Քաղաքակրթական ներուժը կեցության բարձրագույն արժեք է:

Առցանց ներկայացման պրեմիերա Ստալինի դստեր մասին

05.08.2020


Մոսկվայի «Դրամատիկական արվեստի դպրոց» թատրոնը առաջիկա կիրակի առաջին անգամ հանդիսատեսին կներկայացնի Ստալինի դստեր՝ Սվետլանա Ստալինայի (Ալելուևայի) մասին առցանց ներկայացման պրեմիերա: Ժամանակակից ռուսաստանցի դրամատուրգ Յուլիա Պոսպելովայի «Կրեմլյան արքայադուստրը կամ Խոսում է Մոսկվան» պիեսը բեմադրել է ռեժիսոր Ալեքսանդր Օգարյովը: Նա այս ստեղծագործությունը բացահայտել է «21-րդ դարի մեկնարկային իրադարձությունները» մրցույթային ժյուրիի կազմում աշխատելիս: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:

«Պիեսը գրված է սպիտակ ոտանավորի ձևաչափով և իրեն չպարտադրող, նուրբ մանկական տոնայնություն ունի: Սկզբում այն գրավում է արտահայտչականությամբ, ապա հետո՝ իմաստով»,- ասել է ռեժիսորը:

Պիեսը հանդիսատեսին է ներկայացնում Ստալինի դստեր կյանքը՝ ինչպես նշում է ռեժիսորը, Սվետլանայի կյանքի տպավորությունների ընդհատուն «մթնորոտի շերտերի վրայով», որոնցում հոր հետ անցկացրած հանդիպումները ունեցել են «հեքիաթային » համ: Դստեր համար հայրը եղել է ոչ այն է թագավոր, ոչ այն է ամենակարող հրաշագործ, որը պատրաստ էր իրականացնել նրա յուրաքանչյուր ցանկություն:

Աղջկա հասակ առնելու հետ, պատումի մթնոլորտը ստանում է չար երանգավորում: Ընկերները տանը, մեկը մյուսի ետևից, վերածվում են մեռյալների: Բարի հայրիկն արդեն միշտ չէ, որ բարի է: Ավելին, հաճախ նաև առանց որևէ պատճառի, շատ դաժան է:

Հեքիաթայինը դառնում է սյուրռեալիստական: Ի վերջո հերոսուհին հայտնվում է վախի և անորոշության մեջ:
Ներկայացումը առցանց կհեռարձակվի մայիսի 10-ին, Երևանի ժամանակով 20:00-ին:


Լուսանկարն՝ ըստ հղման աղբյուրի:


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 29 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366>>հաջորդ