Քաղաքակրթական ներուժը կեցության բարձրագույն արժեք է:

Պատերազմը իրերի կենսագրությամբ և մանկան աչքերով

06.22.2020

Ի հիշատակ Խորհրդային Միության դեմ 1941թ.-ի հունիսի 22-ին սանձազերծած պատերազմի, Մոսկվայի «Պրակտիկա» թատրոնը համացանցի առցանց տիրույթում կցուցադրի «Սրբազան թալիսման» ֆիլմ-ներկայացումը: Բեմադրության պատրաստմանը մասնակցել են «Պրեդմետա» թատրոնի նկարիչ-պերֆորմերիստները, Մոսկվայի հրեական թանգարանը և հանդուրժողականության կենտրոնը: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:

Բրուսնիկինի արվեստանոցի («Պրակտիկա» թատրոնի) ռեժիսոր Միխայիլ Պլուտախինը մանկական փխրուն կյանքը և առարկաների կենսագրությունը ներկայացնում է և օբյեկտային թատրոնի տեխնիկայի և կինամատոգրաֆիայի միավորմամբ: Տեսախցիկը ակնդետ խորանում է մանկական հիշողությունների մեջ, որտեղ թիկթակում է ժամանակի մեխանիզմը և պատուհանում վառվում է հարմարավետ լույս, իսկ երաժշտությունը, այդ թվում նաև եբրայերեն կատարվող երգերը հանդիսատեսին ուղեկցում են դեպի պատմություն, որտեղ կա կորուստ և վերածնունդ:

Այդ պատմությունը հորինել է տղան, որին մահվան վախը քշել է մահճակալի տակ և որտեղ նա փորձում է ծանր-մահացու փորձությանը դիմակայել երևակայությամբ: Նրա համար ՝ մանկական սենյակը վերածվում է չար ուժերով շրջապատված երևակայական ամրոցի, իսկ խաղալիքներն՝ այդ ամրոցի բնակիչների...

ֆիլմ-ներկայացման անունը վերցված է պատերազմով ու խորհրդային ճամբարներով անցած բանաստեղծ և կոմպոզիտոր Լեյբ Լևինի ստեղծագործության կերպարից: «Սրբազան թալիսմանը» դա հրեական հեքիաթի օրորոցայինից վերցված մի ճերմակ այծիկ է:

«Նա մանկության խորհրդանիշ է և կորուսյալ դրախտի մասին հիշողություն և, անշուշտ, հույս, որ մի օր պատերազմը կավարտվի»,- նշում են այծիկի այս նախագծի հեղինակները:

Այս ֆիլմ-ներկայացումը ստեղծվել է կարանտինի ժամանակ: «Պրակտիկա» թատրոնի YouTube-ալիքով և ֆեյսբուքյան էջով այն 24 ժամվա ընթացքում հասանելի կլինի սկսած ժամը 21:00-ից:





Լուսանկարն՝ ըստ հղման աղբյուրի:


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 19 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371>>հաջորդ