«7-րդ ստուդիայի» գործը դերասանուհին համարել է արգահատելի և ծանր ապրումների պատճառ06.24.2020
Մոսկվայում, Մեշչանսկի շրջանի դատարանում «Գոգոլ» կենտրոն» թատրոնի կազմում ստեղծված «7-րդ ստուդիայի» գործով արդեն 3-րդ տարին ընթացող աղմկահարույց դատավարությունը մոտենում է ավարտին: Նախօրեին պետական մեղադրողը պահանջել է այդ գործով անցնող մշակութային գործիչների նկատմամբ կիրառել ազատազրկման իրական ժամկետներ: Այդ մասին տեղեկացնում է «taglur.am»-ը՝ հղում անելով «rbc.ru»-ին:
Այսպես, «Գոգոլ» կենտրոն» թատրոնի գեղարվեստական ղեկավար, հայտնի ռեժիսոր Կիրիլ Սերեբրեննիկովի նկատմամբ դատախազը առաջարկել է կիրառել 6 տարի ազատազրկման և 800 հազար ռուբլի տուգանքի պատիժ:
«7-րդ ստուդիայի» նախկին գլխավոր պրոդյուսեր Ալեքսեյ Մալոբրոդսկու համար դատախազը առաջարկել է 5 տարվա ազատազրկում և 300 հազար ռուբլու տուգանք: Իսկ այդ ստուդիայի գլխավոր տնօրեն Յուրի Իտինի և ՌԴ մշակույթի նախարարության պետական օժանդակության դեպարտամենտի նախկին ղեկավար Սոֆյա Ապֆելբաումի համար 4 տարի ազատազրկման և 200 հազար ռուբլու տուգանքի պատիժ:
Բացի այդ մեղադրող կողմը պահանջում է մեղադրյալներին արգելել զբաղեցնելու վարչական պաշտոններ պատիժը կրելուց հետո 3 տարվա ընթացքում: Իսկ Սերեբրեննիկովի Բեռլինում գտնվող բնակարանն ու «Toyota» մակնիշի մեքենան դնել արգելանքի տակ՝ մինչև ՌԴ մշակույթի նախարարության քաղաքացիական հայցով նրան ներկայացված փոխհատուցման պահանջի բավարարումը:
Քննությունը կարծում է, որ «7-րդ ստուդիայի» աշխատակիցները և Կիրիլ Սերեբրեննիկովը 2011-2014թթ.-երին պետությունից շորթել են մոտ 130 մլն ռուբլի՝ այդ հարթակի «Պլատֆորմա» նախագիծն իրականացնելիս, որը նպատակ ուներ մասսայականացնելու ժամանակակից արվեստը:
Այս դատավարության ընթացքը և ներկա պահին որոշակիացող պատկերը հիասթափություն են առաջացրել ռուսական ժամանակակից թատերական արվեստի շատ ներկայացուցիչների մեջ:
Օրինակ, Մոսկվայի Ազգությունների թատրոնի գեղարվեստական ղեկավար, հայտնի դերասան Եվգենի Միրոնովն իր բլոգում նշում է, որ բոլոր նրանց համար, ովքեր հետևել են դատավարության ընթացքին, ակնհայտ է, որ «քննությունը տարվել է հսկայական քանակության խախտումներով և ձգումներով» և, որ մեղադրական եզրակացությունը կարված է «սպիտակ թելերով»:
Միրոնովի կարծիքով, «7-րդ ստուդիայի» գործով այս դատավարությունը, որտեղ հաշվի չեն առել ռուսական արվեստի նշանավոր բազմաթիվ գործիչների կարծիքները, անտեսվել են ակնհայտ ապացույցները և էլի շատ հանգամանքներ, «անբացատրելի կոշտ դատավճիռը այս գործով կարող է ծանր, անուղղելի հարված հասցնել Ռուսաստանի մշակութային կյանքին, թատրոնի ողջ ապագային և արվեստին ընդհանրապես...»
Իսկ թատրոնի և կինոյի հայտնի դերասանուհի Քսենյա Ռապապորտը այս ամենը որակել է որպես «հրեշավոր և անարդար» իրողություն, որը նա համարում է իր կյանքի արգահատելի և ծանր ապրումներից մեկը:
Այս թեմայով այլ հղումներ-1
Այս թեմայով այլ հղումներ-2
Մոսկվայում, Մեշչանսկի շրջանի դատարանում «Գոգոլ» կենտրոն» թատրոնի կազմում ստեղծված «7-րդ ստուդիայի» գործով արդեն 3-րդ տարին ընթացող աղմկահարույց դատավարությունը մոտենում է ավարտին: Նախօրեին պետական մեղադրողը պահանջել է այդ գործով անցնող մշակութային գործիչների նկատմամբ կիրառել ազատազրկման իրական ժամկետներ: Այդ մասին տեղեկացնում է «taglur.am»-ը՝ հղում անելով «rbc.ru»-ին:
Այսպես, «Գոգոլ» կենտրոն» թատրոնի գեղարվեստական ղեկավար, հայտնի ռեժիսոր Կիրիլ Սերեբրեննիկովի նկատմամբ դատախազը առաջարկել է կիրառել 6 տարի ազատազրկման և 800 հազար ռուբլի տուգանքի պատիժ:
«7-րդ ստուդիայի» նախկին գլխավոր պրոդյուսեր Ալեքսեյ Մալոբրոդսկու համար դատախազը առաջարկել է 5 տարվա ազատազրկում և 300 հազար ռուբլու տուգանք: Իսկ այդ ստուդիայի գլխավոր տնօրեն Յուրի Իտինի և ՌԴ մշակույթի նախարարության պետական օժանդակության դեպարտամենտի նախկին ղեկավար Սոֆյա Ապֆելբաումի համար 4 տարի ազատազրկման և 200 հազար ռուբլու տուգանքի պատիժ:
Բացի այդ մեղադրող կողմը պահանջում է մեղադրյալներին արգելել զբաղեցնելու վարչական պաշտոններ պատիժը կրելուց հետո 3 տարվա ընթացքում: Իսկ Սերեբրեննիկովի Բեռլինում գտնվող բնակարանն ու «Toyota» մակնիշի մեքենան դնել արգելանքի տակ՝ մինչև ՌԴ մշակույթի նախարարության քաղաքացիական հայցով նրան ներկայացված փոխհատուցման պահանջի բավարարումը:
Քննությունը կարծում է, որ «7-րդ ստուդիայի» աշխատակիցները և Կիրիլ Սերեբրեննիկովը 2011-2014թթ.-երին պետությունից շորթել են մոտ 130 մլն ռուբլի՝ այդ հարթակի «Պլատֆորմա» նախագիծն իրականացնելիս, որը նպատակ ուներ մասսայականացնելու ժամանակակից արվեստը:
Այս դատավարության ընթացքը և ներկա պահին որոշակիացող պատկերը հիասթափություն են առաջացրել ռուսական ժամանակակից թատերական արվեստի շատ ներկայացուցիչների մեջ:
Օրինակ, Մոսկվայի Ազգությունների թատրոնի գեղարվեստական ղեկավար, հայտնի դերասան Եվգենի Միրոնովն իր բլոգում նշում է, որ բոլոր նրանց համար, ովքեր հետևել են դատավարության ընթացքին, ակնհայտ է, որ «քննությունը տարվել է հսկայական քանակության խախտումներով և ձգումներով» և, որ մեղադրական եզրակացությունը կարված է «սպիտակ թելերով»:
Միրոնովի կարծիքով, «7-րդ ստուդիայի» գործով այս դատավարությունը, որտեղ հաշվի չեն առել ռուսական արվեստի նշանավոր բազմաթիվ գործիչների կարծիքները, անտեսվել են ակնհայտ ապացույցները և էլի շատ հանգամանքներ, «անբացատրելի կոշտ դատավճիռը այս գործով կարող է ծանր, անուղղելի հարված հասցնել Ռուսաստանի մշակութային կյանքին, թատրոնի ողջ ապագային և արվեստին ընդհանրապես...»
Իսկ թատրոնի և կինոյի հայտնի դերասանուհի Քսենյա Ռապապորտը այս ամենը որակել է որպես «հրեշավոր և անարդար» իրողություն, որը նա համարում է իր կյանքի արգահատելի և ծանր ապրումներից մեկը:
Այս թեմայով այլ հղումներ-1
Այս թեմայով այլ հղումներ-2
 28.11.jpg)
.jpg)
