Քաղաքակրթական ներուժը կեցության բարձրագույն արժեք է:

Թատերաշրջանի բացումը կկայանա...

06.30.2020


Բեռլինի, Դրեզդենի և Բավարիայի պետական օպերային թատրոնները կորոնավիրուսի համաճարակի սկսվելուց հետո առաջին անգամ դռներն են բացել հանդիսատեսների առջև: Դահլիճում, ինչպես և բեմում պահպանվում են սոցիալական հեռավորություններ: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:

Առաջիններից մեկը բացվել է Բեռլինի օպերան: Սակայն Ռիխարդ Վագների «Հռենոսի ոսկին» հնչել է ոչ թե թատրոնի շենքում, այլ՝ բացօթյա, հաստատության ավտոկանգատեղում և նախատեսված է եղել 175 հանդիսատեսի համար: Ասենք որ 4 ժամանաոց բեմադրությունը ներկայացվել է համառոտ տարբերակով, իսկ նվագախումբը կազմված է եղել 22 երաժիշտներից:

Բեռլինի օպերան կանոնավոր ցուցադրանքներին կվերադառնա օգոստոսի 31-ին: Թատերաշրջանի բացումը կկայանա Բեթհովենի սիմֆոնիաներով, իսկ նվագախումբը կղեկավարի դիրիժոր Դանիել Բարենբոյմը: Առաջին օպերային բեմադրությունը հանդիսատեսին կներկայացվի սեպտեմբերին: Կցուցադրվի Ռիխարդ Շտրաուսի մեկ գործողությամբ «Արիադնան Նաքսոսում» ստեղծագործությունը:

Դրեզդենի օպերային թատրոնը հանդիսատեսների համար իր դռները բացել է «Սկիզբ» խորհրդանշական անվանումը կրող ներկայացումների և համերգների շարքով: Այստեղ առաջինը ներկայացվել է Վերդիի «Դոն Կառլոս» օպերան, որը ցուցադրվել է 4 երեկո անընդմեջ: Գլխավոր պարտիան կատարել է Աննա Նետրեբկոն: Ասենք, որ այս ներկայացումը նույնպես կրճատվել է:

Ընդհանուր առմամբ այն տևել է մոտ մեկ ու կես ժամ, իսկ արտիստները, ինչպես և հանդիսատեսները պահպանել են սոցիալական հեռավորություն: Որպեսզի բոլոր ներկաներին վարակվելու վտանգից զերծ պահեն, դահլիճի առաջին 5 շարքերը ազատ են թողել, իսկ դահլճը հանդիսատեսներով զբաղված է եղել միայն մեկ քառորդով:

Բավարիայի օպերան իր հետկարանտինային մեկնարկն սկսել է անգլիացի կոմպոզիտոր Փիթեր Մաքսվել Դևիսի «Անխելք թագավորի 8 երգերը» մենաներկայացմամբ: Իսկ հիմնական թատերաշրջանը կբացվի սեպտեմբերի 1-ին՝ 3 շաբաթ ավելի շուտ, քան դա սովորաբար արվում է:
Սեպտեմբերին աշխատանքները կվերսկսի նաև Համբուրգի պետական օպերան: Կորոնավիրուսի պատճառով փակված վարագույրը այստեղ կրկին կբացվի «Molto agitato» խորագիրը կրող համերգով, իսկ առաջին ներկայացումը թատրոնը կցուցադրի շատ ավելի ուշ՝ դեկտեմբերին: Դա կլինի Մոցարտի «Կախարդական սրինգ» օպերան, որը բեմադրել է ռեժիսոր Յեթթե Շթեքելը:


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 32 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374>>հաջորդ