Քաղաքակրթական ներուժը կեցության բարձրագույն արժեք է:

Այլիշը սիրահարված է իր ապագային

07.31.2020


Ամերիկացի երգչուհի Բիլլի Այլիշը համացանցի YouTube հոսթինգում ներկայացրել է իր նոր «My future» («Իմ ապագան») երգը, որպես տեսաշար օգտագործելով անիմացիոն տեսակլիպ, որի ռեժիսորն է Էնդրյու Օնորատոն։

«Մենք այս ստեղծագործությունը գրել ենք կարանտինի սկզբում։ Այն իրոք շատ անձնական է և առանձնահատուկ ինձ համար։ Երբ մենք աշխատում էինք դրա վրա, իմ գլխում կային մտքեր հույսի, ուրախության և ինքնազարգացման մասին»,֊ ասել է Այլիշը։

Դանդաղ և մեղեդային կատարումով երգչուհին ասես անկեղծ խոստովանում է, որ սիրահարված է իր ապագային և անհամաբեր սպասում է նրա հետ հանդիպմանը։
Այս ստեղծագործությունը մի քանի ժամում հավաքել էավելի քան 5 մլն դիտում։

«My future» երգը առաջինն է այն բանից հետո, երբ Բիլլի Այլիշը հունվարին ներկայացրել է «No time to die» («Մահանալու ժամանակ չկա») սինգլը, որը դարձավ Ջեյմս Բոնդի մասին նոր՝ «Մահանալու ժամանակը չէ» ֆիլմի երաժշտության գլխավոր մոտիվը։


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 97 անգամ