Քաղաքակրթական ներուժը կեցության բարձրագույն արժեք է:

Ա․ Կոնչալովսկի․ «Որքան հարուստ է կյանքը երևակայությամբ․․․»

10.05.2020


Ռուսաստանցի հայտնի ռեժիսոր Անդրեյ Կոնչալովսկին Մոսկվայի կինոփառատանում ցուցադրել է իր հեղինակած «Չտրտնջացող մարդը» վավերագրական կինոնկարը։ Գեղարվեստական ֆիլմերի ու թատերական յուրահատուկ ներկայացումների բեմադրություններով հայտնի Կոնչալովսկին այս անգամ անդրադառնում է այնպիսի մարդկանց հոգեբանության բացահայտմանը, որոնք իրենց կյանքում միշտ գտնում են ինչ֊որ մի հենարան, որը նրանց հնարավորություն է տալիս պահպանել լավատեսությունը։ Այդ մասին տեղեկացնում է «taglur.am»-ը՝ հղում անելով «ՏԱՍՍ»֊ին։

«Ես չեմ կարող ասել, որ կինոնկար եմ հորինել, մենք որոշել ենք, որ փորձենք նկարել 60 մարդու, պատրաստել հարցեր, իսկ հետո տեսնել, թե ինչ կստացվի․․․»,֊ ասել է Կոնչալովսկին և պատմել, որ իրենց նկարահանումների ժամանակ հանդիպել են ամենատարբեր մարդիկ։ Ռեժիսորը նրանց մեջից ընտրել է չտրտնջացողներին, քանի որ դրված է եղել գտնել այնպիսի մարդկանց, որոնք ունեն որոշակի տեսակետ։ Կոնչալովսկին նշել է, որ, անշուշտ, կարելի է խոսել ազգային յուրահատկության մասին, սակայն ինքն աշխատել է հեռու մնալ վերամբարձությունից։

Մտահղացումը եղել է պարզ՝ գտնել մարդկանց, որոնք որոշակի իրավիճակում, այսօրվա կյանքում գտնում են ինչ֊որ հենարաններ։

«Ես կինոնկարը պատրաստել եմ այն բանի համար, որպեսզի մարդիկ դիտեն և ասեն, որ այնուամենայնիվ, կա հույս»,֊ նշել է Կոնչալովսկին։

Կոնչալովսկու կարծիքով վավերագրական և գեղարվեստական ֆիլմերի բաժանումը շատ պայմանական է, թեև վավերագրական ֆիլմ պատրաստելու գործընթացը տարբերվում է գեղարվեստական կինոնկարի նկարահանումներից։

«Կարող է լինել կինո, որն ամբողջովին պատրաստված է վավերագրական նյութից, բայց ամեն ինչ մտացածին։ Կստացվի ֆիլմ, որը որևէ կապ չունի իրականության հետ»,֊ ընդգծել է նա և նշել, որ իրեն հետաքրքիր է եղել որսալ «Մարդկային հոգու անմիջական շարժումը։ Նա իր զարմանքն է արտահայտել այն մասին, թե որքան հարուստ է կյանքը երևակայությամբ։

Կոնչալովսկին ինքն իրեն համարում է չտրտնջացող մարդ։

«Չտրտնջացող մարդը» վավերագրական կինոնկարը բաղկացած է մի քանի նովելներից։ Ֆիլմի հերոսները քննարկում են այնպիսի թեմաներ, որոնք արտահայտվում են հեղինակային հարցերով։ Դրանք վերաբերվում են գոյության իմաստին, աշխարհում մարդու տեղին, հայրենասիրությանը, հավատին, մեղքին, երջանկությանը․․․


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 69 անգամ