Քաղաքակրթական ներուժը կեցության բարձրագույն արժեք է:

Մանկության և ավարտի միջև՝ ըստ դասականի

11.27.2020


Իր հանդիսատեսների համար յուրահատուկ թատերական փորձարկում Է նախապատրաստում Սանկտ-Պետերբուրգի Տովստոնոգովի անվան Մեծ դրամատիկա թատրոնը: Նոյեմբերի 29-ին այստեղ կմեկնարկի «Կորուսյալ ժամանակի որոնումներում» ընդհանուր խորագիրը կրող մի նախագիծ, որի համար հիմք է հանդիսանում համաշխարհային գրականության խոշորագույն դեմքերից մեկի՝ Մարսել Պրուստի ստեղծագործությունների 7 հատորյակը: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:

Դասականի երկերի ժողովածուն կներկայացվի թատերական բեմադրությունների մի քանի մասերով: Ռեժիսոր Դենիս Խուսնիյարովը և դրամատուրգ Ասյա Վոլոշինան իրենց այս նոր բեմական ստեղծագործությունն անվանում են թատերական սերիալ և կարծում են, որ իրենք հանդիսատեսին են մատուցում Պրուստի ստեղծագործությունների «ինտերակտիվ քարտեզը»:

Այս բեմական ստեղծագործության առաջին մասը ունի մի բառի մեջ երկու իմաստ պարունակող վերնագիր, որը ռուսերեն արտահայտվում է «Свер[ш/ж]ение романа» ձևով, որը հայերեն, թերևս, թարգմանվում է «Վեպի արարում/խորտակում» ձևով:

Հեղինակները ներածության սյուժեում դրել են տեքստ ստեղծելու գործընթացը, այսինքն ինչպես է կյանքից «վերաձուլվում» արվեստը: Դրա համար նրանք որպես ասելիքը հյուսելու հենարան վերցրել են կամարի կառուցվածքը, որը մի կողմում հենվում է մանկության գիտակցության, իսկ մյուս կողմում՝ կյանքի ավարտի այն պահի վրա, երբ հեղինակը վճռում է գրել վեպ:

«Շատ կարևոր էր գտնել հիշողության միաժամանակության թատերական համարժեքը: Հերոսի կյանքը, պատմողի կյանքը, հեղինակի կյանքը ձգվում են 7 հատոր, սակայն հիշողության մեջ վեր հառնող իրադարձությունների միջև «հեռավորություն» չկա: Կարելի է մի ակնթարթ հիշել մանկությունից, ապա՝ նախավերջին ակնթարթը ու ազատ տեղավորվել դրանց արանքում, դրանց ներսում: Հենց այդ զգացողությունը փոխանցելն է ամենակարևորը»,- նշել է բեմադրության ռեժիսոր Խուսնիյարովը և ավելացրել, որ սա իր կողմից փորձ է՝ փորձի մեջ:

Հավելենք, որ այս նախագիծը պետերբուրգյան «գլխավոր» թատրոնն իրականացնում է «Չորս ժամանակակից ռեժիսուրա Կամեննայա կղզու թատրոնում» ծրագրի շրջանականերում:




Լուսանկարն՝ ըստ հղման աղբյուրի:


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 906 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485>>հաջորդ
    Արխիվ ըստ ամիսների