Քաղաքակրթական ներուժը կեցության բարձրագույն արժեք է:

«Sundance»֊ում հաղթեց ամերիկուհի ռեժիսորը

02.04.2021

Նախօրեին աշխատանքներն է ավարտել ԱՄՆ֊ի Յութա Նահանգի Փարք֊Սիթի քաղաքում ընթացող անկախ կինոյի հերթկան «Sundance» կինոփառատոնը։ Հաղթող է ճանաչվել ամերիկացի կին ռեժիսոր Սիան Հեդերի «Քոդա» ֆիլմը։ Այն լավագույնն է ճանաչվել լավագույն ռեժիսուրայի և լավագույն դերասանական խումբ անվանակարգերում։ Ասենք, որ «Apple» ընկերությունը աննախադեպ գնով՝ 25 մլն դոլարով, գնել է ֆիլմի իրավունքները։ Այդ մասին տեղեկացնում է «ՏԱՍՍ․֊ը։

«Քոդա» ֆիլմը պատմում է Ռուբի անունով 17֊ամյա աղջկա մասին, որը իր ընտանիքի միակ ոչ խուլ անդամն է։ Մինչև դպրոց գնալը նա ձկնորսական նավի մեջ օգնում է հորը և ավագ եղբորը, իսկ պարապմունքների ժամանակ անընդհատ ենթարկվում է ծաղրանքների իր խուլ հարազատների պատճառով։

Ռուբիին դուր է գալիս երգելը և նա ընդունվում է դպրոցական երգչախումբ, որի ղեկավարը աղջկան համոզում է, որպեսզի նա թողնի աշխատանքը նավի վրա և ընդունվի երաժշտական դպրոց։

Աղջիկը իր ընտանիքը արտաքին աշխարհին կապող միակ օղակն է, այդ իսկ պատճառով նրա առաջ հարազատների և երազանքների միջև ընտրություն կատարելու հարց է առաջանում։

«Քոդա» ֆիլմը շնորհիվ իր թեթևության և հմայքի դարձավ նաև «Sundance» կինոփառատոնի հանդիսատեսների սիրելի ֆիլմը և ստացավ նաև «հանդիսատեսի համակրանքի համար» սահմանված մրցանակը;




Այս թեմայով այլ հղումներ-1


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 298 անգամ