Քաղաքակրթական ներուժը կեցության բարձրագույն արժեք է:

Կարեն Հովհաննիսյանը «Ուղիղ եթեր» դուրս կգա «Մեռյալների քաղաքից»

04.19.2021


Ազգությամբ հայ, ռուսաստանցի կինոռեժիսոր Կարեն Հովհաննիսյանը Հյուսւսային Օսեթիայում ավարտել է սերունդների միջև հակասությունների մասին պատմող «Ուղիղ եթեր» ֆիլմի նկարահանման աշխատանքները։ Այդ մասին տեղեկացնում է «ՏԱՍՍ»֊ը։

Հովաննիսյանը խոստովանել է, որ ինքը այս ֆիլմի համար որպես նկարահանման հրապարակ ընտրել է Դարգավս գյուղը ոչ միայն գեղեցիկ բնապատկերների և ճարտարապետության համար։ Նրա ասելով այս տարածքում է գտնվում նաև «Մեռյալների քաղաքը», որն իրեն ծանոթ է դեռ ուսանողական տարիներից։ Նա հույս ունի, որ թեև ոչ ուղղակի, բայց այդ քաղաքի մասին ֆիլմում արվող անդրադարձը հնարավորություն կտա, որ դրա մասին իմանան նաև շատերը։

Իսկ «Մեռյալների քաղաքի» յուրահատկությունն այն է, որ պատմական ինչ֊որ մի փուլում ժանտախտով հիվանդ մարդիկ, որպեսզի չվարակեին մերձավորներին հեռանում և մահանում էին այդ ծերպերում։

Ասենք, որ «Ուղիղ եթեր» ֆիլմի գաղափարը մտահղացել է պրոդյուսերներից մեկը՝ Բենիկ Առաքելյանը։

Կինոռեսիոր Կարեն Հովհաննիսյանը նաև հայտնի է նաև իր ,Ուղևորները»(2020), «Գոյատևման խաղ»(2020), «Պղնձե արև»(2018), «Կյանքն առջևում է»(2017) և մի շարք այլ ֆիլմերով։


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 300 անգամ