Քաղաքակրթական ներուժը կեցության բարձրագույն արժեք է:

Գլխավոր հերոսները սոցիալական հաստատությունների երեխաներն են

05.31.2021


Այսօր, մայիսի 31֊ին, Սանկտ֊Պետերբուրգում մեկնարկել է «Ապրելու ժամանակը» դրամատիկական թերապիայի նախագիծը՝ նվիրված մեկ օր հետո, հունիսի 1֊ին նշվող «Երեխաների պաշտպանության օրվան»։ Այդ մասին տեղեկացնում է «ՏԱՍՍ»֊ը։

Փառատոնը տեղի է ունենում Ֆանտանկայի վրա գտնվող Երիտասարդական թատրոնում։ Միջոցառման գլխավոր հերոսները Ռուսաստանի հյուսիսային մայրաքաղաքի և Լենինգրադի մարզի սոցիալական հաստատությունների երեխաներն են։

Այս նախագիծը գործում է արդեն 9 տարի՝ երկրի նախագահի դրամաշնորհների միջոցներով։ Դրա հիմքում թատերական արվեստի և հոգեբանական թերապիայի համատեղմամբ երեխաների մեջ դրական փորձի արմատավորումն է, որը, նախագծի հեղինակները հուսով են, երեխաները կկիրառեն իրենց հետագա կյանքի ընթացքում։


Մեկնարկած փառատոնի թեմա է ընտրվել Մորիս Մետերլինկի «Կապույտ թռչուն» ստեղծագործությունը, որը հանդիսատեսին ուղղորդում է դեպի գեղեցիկի որոնումը։

Այս մանկական ֆորումի մասնակիցները 7֊ից 18 տարեկաններն են։ Նրանք պիտի պատրաստեն սեփական թատերական մանրապատումները, որոնցում կարտացոլվեն նրանց ապրումները, ընկալումները ժամանակակից կյանքի մասին։

Փառատոնին կմասնակցեն 5 մանկատներ, ինչպես նաև սոցիալական վերականգնման և ընտանեկան դաստիարակությանն օժանդակող կենտրոնների 100 սան։


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 83 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408>>հաջորդ