Քաղաքակրթական ներուժը կեցության բարձրագույն արժեք է:

Մշակույթի ոլորտում երկրորդ մասնագիտական կրթությունը կարելի է ստանալ անվճար

06.09.2021


Ռուսաստանի պետդուման եզրափակիչ ընթերցմամբ հաստատել է մի օրենքի նախագիծ, որի համաձայն բարձրագույն կրթություն ունեցող քաղաքացիներին իրավունք է վերապահվում մշակույթի ոլորտում երկրորդ կամ հաջորդ բարձրագույն կրթությունը ստանալ պետական բյուջեի հաշվին։ Այդ մասին տեղեկացնում է «taglur.am»֊ը՝ հղում անելով «ՏԱՍՍ»֊ին։

Օրենքի հեղինակները նշել են, որ այսօր Ռուսաստանի քաղաքացիների համար առաջին բարձրագույն կրթությունն անվճար ստանալու հնարավորությունը երաշխավորված է։ Դրա հետ մեկտեղ, մարդիկ ստեղծագործական մասնագիտությունները հաճախ որոշում են ձեռք բերել հասուն տարիքում՝ արդեն ունենալով մեկ այլ մասնագիտությամբ բարձրագույն կրթություն։

Դրա հետ կապված էլ օրենքով այսուհետ տրվում է հնարավորություն մրցութային կարգով ձեռք բերել երկրորդ կամ հաջորդ բարձրագույն կրթությունը՝ ի հաշիվ պետական ֆինանսավորման։


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 260 անգամ