Քաղաքակրթական ներուժը կեցության բարձրագույն արժեք է:

Կտրել-հեռացրել է սեփական ոտքերի ցրտահարված մատները

06.21.2021

..
Սանկտ-Պետերբուրգի Ալեքսանդրինյան թատրոնը նախապատրաստում է իր հանդիսատեսին ներկայացնել «Ողջը» երաժշտական սթորիթելլինգը՝ 20-րդ դարի հայտնի դանիացի մարդաբան, լրագրող, դերասան և գրող Փիթեր Ֆրոյխենի մասին: Այդ մասին «teatral-online.ru»-ի տեղեկատվությունը փոխանցում է «taglur.am»-ը:

Ֆրոյխենը ապրում էր Գրենլանդիայում, ճանապարհորդել է Սիբիրում և Հարավային Աֆրիկայում: Այդ մասին նա գրել է մի քանի գիրք, իսկ Ալյասկայում, հայտնվելով սառցե փակուղու մեջ, առանց երկմտելու կտրել- հեռացրել է սեփական ոտքերի ցրտահարված մատները:

Երկրորդ համաշխարհային պատերազմի ժամանակ նա դարձել է դիմադրության շարժման մարտիկ, նացիստների կողմից դատապարտվել է մահապատժի, սակայն կարողացել է փախչել բանտից:

«Զարմանալի իրավիճակները, որոնց ժամանակ Ֆրոյխենը միշտ կարողացել է հաղթել մահին, վկայում են նրա լավատեսության, խոր մտավոր զարգացման և չհանձնվելու, միշտ ուժի աղբյուր գտնելու կարողության մասին: Այդպիսի մարդկային տեսակը, որպես հեռացող կերպար, մեր օրերի համար է, - հայտարարել են բեմադրության հեղինակները:

Այս բեմական ստեղծագործությունն իր ժանրով միմյանց հաջորդող կադրերով կենսագրություն է՝ համերգային կատարմամբ: Այն ազգագրական և էլեկտրոնային երաժշտության յուրահատուկ խառնուրդ է, տեսաշար վավերագրական, խաղարկային և անիմացիոն կիոնկարների խաչմերուկում, ինչպես նաև առարկայական թատրոն ՝ օբյեկտների զարմանահրաշ տրանսֆորմացիաներով:

Ներկայացման պրեմիերային ցուցադրությունները կայանալու են հունիսի 24-ին և 25-ին:




Լուսանկարն՝ ըստ հղման աղբյուրի:


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 76 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408>>հաջորդ