Քաղաքակրթական ներուժը կեցության բարձրագույն արժեք է:

Արամ Խաչատրյանը՝ «Երաժշտական քողի ներքո»

12.23.2013

Մոսկվայում շարունակվում է Մեծ սիմֆոնիկ նվագախմբի «Երաժշտական քողի ներքո» փառատոնը, հաղորդում է «tvkultura.ru»-ն:

Չայկովսկու անվան համերգային դահլիճում, նվագախմբի ղեկավար Վլադիմիր Ֆեդոսեևի գլխավորությամբ, հնչել են Արամ Խաչատրյանի ստեղծագոգրծությունները:

«Մենք «Երաժշտական քողի ներքո» փառատոնում նշում ենք նրա ծննդյան 110-ամյակը: Ժողովրդայնությունը, ժողովրդին պատկանելու արմատականությունը քող են, որոնք պահպանում են նրան»,- նշել է ԽՍՀՄ ժողովրդական արտիստ, Չայկովսկու անվան Մեծ սիմֆոնիկ նվագախմբի դիրիժորը:

Վլադիմիր Ֆեդոսեևը ծանոթ է եղել Խաչատրյանին, նրա կատարմամբ գործնականում հնչել են Արամ Խաչատրյանի գրեթե բոլոր ստեղծագործությունները և նա համարվում է խաչատրյանական երաժշտության լավագույն մեկնաբաններից մեկը: Նշենք, որ այս նվագախումբը ելույթներ է ունեցել նաև հայ մեծ կոմպոզիտորի ղեկավարության ներքո:

Երեկոյի ընթացքում հնչել են Խաչատրյանի բալետի և դրամատիկական ներկայացումների համար գրված ստեղծագործությունները, ինչպես նաև թավջութակի կոնցերտ-ռապսոդիան, որի մենակատարմամբ հանդես է եկել Ալեքսանդր Կնյազևը:

    Դիտվել է 599 անգամ