Քաղաքակրթական ներուժը կեցության բարձրագույն արժեք է:

Ֆիլհարմոնիկ նվագախմբի պարգև պիտի հասներ նաև Ադոլֆ Հիտլերին

12.24.2013

Երաժիշտ-նացիստներին երբեմնի տրված պարգևները չեղյալ կհամարվեն և ետ կպահանջվեն: Այդ մասին հաղորդում է «kulturologia.ru»-ն:

Այսպիսի որոշում է կայացրել Վիենայի ֆիլհարմոնիկ նվագախումբը: Այս նախադեպային վճիռը կայացնելու իմաստը կայանում է այն բանում, որ նացիստական Գերմանիայի գոյության ժամանակաշրջանում ծագումով գերմանացի որոշ պաշտոնյաներ ստացել են պարգևներ երաժշտության ասպարեզում: Այդ պարգևներին արժանացող երաժիշտներին պարտադիր տրվում էին հուշանշաններ, Վիենայի ֆիլհարմոնիայի մատանիներ և կնիքներ:

Այսօր այդպիսի պարգևները բարձր են գնահատվում երաժշտական աշխարհում և հանդիսանում են երժշտության ասպարեզում մեծ ձեռքբերումների վկայություններ:

Գերմանացի երաժիշտներին պարգևները տրվել են 1940-1945թթ.-երի ընթացքում: Նման պարգևների են արժանեցել ծագումով գերմանացի մեկ տասնյակից ավելի երաժիշտներ: Նրանցից յուրաքանչյուրը եղել է նացիստական ռեժիմի կողմից ընդունելի թեկնածու: Դրան զուգահեռ, վիենական նվագախմբից հեռացվել են ազգությամբ հրեա 13 երաժիշտ:

Թեև այս դեպքերը կարելի է դասել վաղուց անցած ժամանակներին, բայց Վիենայի ֆիլհարմոնիան որոշել է վերականգնել արդարությունը, քանի որ հաշվի առնելով այն ժամանակվա քաղաքական իրադրությունը, ժամանակակից հանձնաժողովի անդամները կասկածում են, որ գերմանացիները պարգևատրվել են ըստ արվեստում ունեցած իրենց արժանիքների:

Կարևոր դրվագ է այն հանգամանքը, որ պարգևատրված գերմանացիներից յուրաքանչյուրը եղել է նացիոնալ-սոցիալիստական կուսակցության անդամ և զբաղեցրել է որևէ կարևոր պաշտոն: Այսպես օրինակ, պարգևատրված Բալդուր ֆոն Շիրախը եղել է Վիենայի նահանգապետը: Նրա ոչ երաժշտական արարքներից կարելի է համարել տասնյակ հազարավոր հրեաների տեղահանությունը, որը ինքը՝ Շիրախը անվանել է «ներդրում եվրոպական մշակույթի մեջ»:

Ֆրիդրիխ Ռայները նույնպես զրկվել է պարգևից, ով 40-ականներին եղել է «ԷսԷս»-ի առաջնորդներից մեկը:

Արթուր Զեյսս-Ինքվարտը եղել է ֆյուրերի մինիստրների խորհրդի անդամ: Նյուենբերգյան դատավարության ժամանակ նա դատապարտվել է մահապատժի: Այս և մյուս «երաժիշտները» զրկվել են նվագախմբի պարգևներից:

Ըստ որոշ տեղեկությունների ֆիլհարմոնիկ նվագախմբի պարգև պիտի հասներ նաև Ադոլֆ Հիտլերին, սակայն որևէ փատաթղթային հիմնավորում այդ մասին չի հայտնաբերվել:
    Դիտվել է 559 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263