Քաղաքակրթական ներուժը կեցության բարձրագույն արժեք է:

Մ․ Թարիվերդիևի 90֊ամյակին՝ երգեհոնահարների միջազգային մրցույթ

08.13.2021

Այս օրերին Ռուսաստանի մշակութային հանրությունը նշում է այդ երկրում ապրած և ստեղծագործած հայ կոմպոզիտոր Միքայել Թարիվերդիևի 90֊ամյալը։
Արվեստագետին նվիրված բազմազան միջոցառումների մեջ յուրահատուկ տեղ ունի նրա անունը կրող երգեհոնահարների միջազգային մրցույթը, որի եզրափակիչը կկայանա սեպտեմբերի 9֊ին՝ Կալինինգրադ (նախկին Քյոնիքսբերգ) քաղաքում։

Կոմպոզիտորի այրին՝ Վերա Թարիվերդիևան տեղեկացրել է, որ Գերմանիայի Համբուրգ և ԱՄՆ֊ի Լոուրենս քաղաքներում արդեն կայացել են մրցույթի առաջին երկու փուլերը, իսկ երրորդը կկայանա Ռուսաստանի մայրաքաղաք Մոսկվայում։ Այս ավանդական միջոցառմանը 2021թ․֊ինմասնակցել են, ընդհանուր առմամբ, 16 երկիր ներկայացնող երգեհոնահարներ, այդ թվում Ռուսաստանից, Հարավային Կորեայից, Չինաստանից, ԱՄՆ֊ից, Բրազիլիայից։ Առաջին անգամ մրցույթին մասնակցել է նաև երաժիշտ Հարավային Աֆրիկյան Հանրապետությունից։

Վերա Թարիվերդիևան պատմել է, որ երգեհոնահարների մրցույթի նախաձեռնողը Միքայել Թարիվերդիևի անվան հիմնադրամն է, որին օժանդակել են ՌԴ Մշակույթի նախարարությունը, Ռոսհամերգը և Կալինինգրադի մարզի իշխանությունները։ Նա նաև նշել է, որ հայ կոմպոզիտորի անվան երգեհոնահարների միջազգային մրցույթը համարվում է աշխարհում գլխավորներից մեկը։


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 224 անգամ