Քաղաքակրթական ներուժը կեցության բարձրագույն արժեք է:

Ցուցահանդես՝ նվիրված սիրո մասին գեղեցիկ լեգենդի 40֊ամյակին

10.12.2021


Մոսկվայի թատերական աշխարհը նախապատրաստվում է յուրահատուկ ցուցահանդեսով նշել, «Լենկոմ․ թատրոնում բեմադրված «Յունոնան և Ավոսը» ներկայացման 40֊ամյակը, որն այսօր էլ դեռ կա թատրոնի խաղացանկում և կարող է հավաքել լեփ֊լեցուն հանդիսասրահ։ Այդ մասին տեղեկացնում է «taglur.am»-ը՝ հղում անելով «teatral-online.ru»֊ին։

«Խաղ քաղաքներում» խորագիրն ստացած ցուցադրանքը նախաձեռնել և կազմակերպել է բանաստեղծ Վազնեսոնսկու կենտրոնը և կներկայացվի Ռուսաստանի մայրաքաղաքի երկաթուղու Կազանյան կայարանի պատմական սպասասրահում։

Ցուցադրանքի հիմքում ներկայացման ստեղծման պատմությունն է՝ դրա 6 հեղինակների կյանքի որոշակի դրվագների միջոցով։ Այդ հեղինակներն են բանաստեղծ Անդրեյ Վոզնեսենսկին, կոմպոզիտոր Ալեքսեյ Ռիբնիկովը, ռեժիսոր Մարկ Զախարովը, նկարիչ Օլեգ Շեյնցիսը, բալետմայստեր Վլադիմիր Վասիլևը և դերասան Նիկոլայ Կարաչենցևը։

Ցուցահանդեսում ներկայացվում է այն պատմությունը, թե ինչպես է «Յունոնան և Ավոսը» դարձել միջազգային համբավ վայելող լեգենդար բեմադրություն և ինչպես է տեղավորվել նախկին խորհրդային իրականության մեջ այն ժամանակաշրջանում, որն անվանում են «Ճահճացման ժամանակաշրջան»։

Այս ռոք֊օպերան , որպես ստեղծագործություն, հաղթահարել է բոլոր տեսակի արվեստների ու ժանրերի կարծրատիպերը, անտեսել գաղափարախոսությունները և որպես յուրային ընդունելության արժանացել ամենատարբեր երկրներում, մայրցամաքներում և մարդկանց կողմից։

Այս բեմադրության պատմությունը գործնականում ընդգրկում է գրեթե ողջ աշխարհը։ Այս տրամաբանությունը թելադրել է նաև դրա մասին ցուցադրության հարթակի ընտրությունը՝ ճանապարհի, երթուղիների, տեղափոխությունների թեման։

«Յունոնան և Ավոսը» բեմադրության յուրահատուկ պատմությունը սկսվել է 1971թ․֊ին, ռուսաստանցի բանաստեղծ Անդրեյ Վոզնեսենսկու «Ավոս» պոեմի ստեղծմամբ։ Այն դարձավ սիրո պատմության մի գեղեցիկ լեգենդ ֊մեկնակետ, որն սկզբում առարկայական դարձավ կոմպոզիտոր Ալեքսեյ Ռիբնիկովի ռոք֊օպերայի, ապա՝ «Լենկոմ» թատրոնի բեմադրության միջոցով։

«Յունոնան և Ավոսը» լեգենդար բեմադրության պրեմիերան կայացավ 1981թ․֊ին, ապա հաղթարշավով անցավ աշխարհի գրեթե բոլոր հայտնի և ոչ այնքան հայտնի թատերական հարթակներով․․․


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 176 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430>>հաջորդ