Քաղաքակրթական ներուժը կեցության բարձրագույն արժեք է:

Կոմպոզիտորի կյանքի կարևոր ստեղծագործությունը կկատարվի մայրենի լեզվով

10.21.2021


Այսօր, հոկտեմբերի 21֊ին, Ռուսաստանում առաջին անգամ հանդիսատեսին կներկայացվի հրեա կոմպոզիտոր Գիլիա Շոխատի «Ալֆա և Օմեգա» մասին օպերան։ Մոսկվայի «Գելիկոն֊օպերայի» բեմից առաջին անգամ երաժշտական ներկայացումը կկատարվի եբրայերեն լեզվով։ Այդ տեղեկացնում է «Թագլուրը»՝ հղում անելով «ՏԱՍՍ»֊ին։

«Յուրաքանչյուր օպերային թատրոն ոչ միայն պետք է օգտագործի ընդերքը և խաղացանկային օգտակար հանածոները, որոնք հաջողություն են բերում շնորհիվ դարավոր , ժամանակով ստուգված դասական գլուխգործոցների, այլև պետք է բացի աշխարհի համար մեր ժամանակակիցների երաժշտությունը։ Մենք պետք է այսօրը լսենք ժամանակակիցների ստեղծագործությունների միջոցով»,֊ նշել է «Գելիկոն֊օպերայի» գեղարվեստական ղեկավար Դմիտրի Բերտմանը։ Նա նաև ընդգծել է, որ իրենց թատրոնը դասականների հետ կողք֊կողքի վարագույրը միշտ բացում է նաև նոր անունների համար։

Բերտմանը նաև նշել է, որ «Ալֆա և Օմեգա» խորհրդանշական օպերան իսրայելցի ժամանակակից կոմպոզիտոր Գիլիա Շոխատն ստեղծել է աշխարհի արարման սյուժեի հիման վրա։ «Հողագնդի առաջին մարդկանց պատմությունը, գայթակղության պատմությունը, գաղափարից իրականություն ճանապարհի պատմությունը, որն ընդունակ է դրախտը վերածել դժոխքի, ինքն իրեն, մեր գեները տեսանելու պատմություն, վտանգված ապագայի և այն փրկելու հնարավորության պատմություն»,֊ ներկայացրել է այս ստեղծագործությունը ռեժիսորը։

Հատկանշական է, որ օպերայի ցուցադրությանը զուգահեռ կգործի նաև «Մարկ Շագալ։ Պրոեկցիա ժամանակի մեջ» խորագրով ցուցահանդես, որտեղ կներկայացվեն նախկինում չցուցադրված անձնական տարբեր հավաքածոներից տրամադրած գործեր, նկարչի նամակներ և երկու գեղանկար՝ Շագալի «Գառնուկը» և նրա ուսուցիչ Իեգուդա Պենի «Ծեր հրեայի դիմանկարը» կտավները։

«Ալֆա և Օմեգա» օպերայի համաշխարհային պրեմիերան կայացել է 2001թ․֊ին Թել֊Ավիվի օպերայում։ Շոխատը օպերայի վրա աշխատել է 10 տարի և համարում է իր կյանքի կարևոր ստեղծագործությունը։




Լուսանկարն՝ ըստ «stmegi.com»֊ի


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 245 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331