Քաղաքակրթական ներուժը կեցության բարձրագույն արժեք է:

Պատմությունը և մարդկային ճակատագրերը ընկալելու հիմքը

10.22.2021

Ռիմաս Տումինասը իր գեղարվեստական ղեկավարությամբ գործող Մոսկվայի Վախթանգովի անվան թատրոնի հիմնադրման 100֊ամյակի առթիվ շուտով հանդիսատեսին կհանձնի Լև Տոլստոյի «Պատերազմ և խաղաղություն» վեպի իր ընթերցումը։ Ընդհանուր առմամբ բեմադրությունը տևում է 5 ժամ։ Նախատեսվում է որ պրեմիերային ցուցադրությունները կլինեն նոյեմբերի 8-11֊ ին։ Այդ մասին «teatral-online.ru»֊ի տեղեկատվությունը փոխանցում է «taglue.am»֊ը։

Այս պրեմիերան պատմության ճեղքվածքի մասին է, դարաշրջանների անցման մասին, երբ 1812թ․֊ի պատերազմով « ինչ֊որ բան ցնցվեց, և ինչ֊որ բան սկսեց ընթանալ ոչ այնպես»՝ տրամաբանությունը կորավ և ուժի մեջ մտան այլ օրենքներ։

Դրանից ելնելով, Տումինասը դերասաններին առաջարկել է «այլ խաղ», որտեղ կարևոր են հոգեբանական շրջադարձերը՝ արարքներում, մտքերի մեջ, որտեղ «գիտակցության կրկես է, հեղաշրջումներ տրամադրությունների, պոռթկումների մեջ և որոնք հանդիսատեսը չի կարող կանխագուշակել։

Սակայն, անիմաստ պատերազմը գլխավորը չէ, որ կլինի բեմադրության մեջ։ Պատմությունը և մարդկային ճակատագրերը ընկալելու հիմքը Տումինասը դարձնում է «խաղաղությունը»։ «Ինձ շատերն են հուշել, որ Տոլստոյին ճիշտ ընթերցելու համար պետք է հասկանալ «խաղաղություն» բառը որպես տիեզերք, որպես մարդկություն։ Սակայն կա նաև «Ողջ ժողովրդով աղոթելու» կամ «գնա խաղաղությամբ», «ապրիր խաղաղությամբ» «արտահայտությունները․․․ Այդ բառի բացատրության հարստությունը անվերջ է, և մեզ մոտ յուրաքանչյուր տեսարանում այն ունի իր առոգանությունը, իր իմաստը»,֊ նշել է Տոմինասը։

Ռեժիսորը ընդգծել է, որ այս բեմադրության մեջ ինքը շեշտը առավել ուժգին դնում է ընտանիքների ճակատագրի վրա։ Նա նշում է, որ անշուշտ, կարևորվել է «ռուսական գրականության ամենադժբախտ հերոսը»՝ իշխան Անդրեյ Բոլկոնսկին, որի միջոցով Տոլստոյը այն գաղափարն է դրել, որ «մենք խաբված ենք»։

Դա Տումինասի գլխավոր թեման է։

«Համատարած խաբեություն, որի վրա հիմնված է ամեն ինչ, սկսած ամենաառօրէական կյանքից»,֊ նշում է Տումինասը և ընդգծում, որ այդ մեղքի շրջապտույտը թատրոնը «պետք է պայթեցնի և տանի մաքրության»։

«Պատերազմ և խաղաղություն» բեմադրությունը դեկորացիաներ չի ունենալու։ Հանդիսատեսի առջև կլինեն դատարկ բեմն ու դերասանը։

«Ես ցանկացել եմ, որ լինի լուսավոր և պարզ, որպեսզի լինի ծայրահեղ հասկանալի»,֊ իր նոր բեմադրության խոսքը ամփոփել է Ռիմաս Տումինասը։



Լուսանկարն՝ ըստ հղման աղբյուրի: 


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 182 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327