Քաղաքակրթական ներուժը կեցության բարձրագույն արժեք է:

Չուլպան Խամատովան վախենում է վերադառնալ Ռուսաստան

03.31.2022


Օրերս թատրոնի և կինոյի ռուսաստանցի հայտնի դերասանուհի Չուլպան Խամատովան սեփական դիմումի համաձայն ազատվել է Մոսկվայի «Սովրեմեննիկ» թատրոնից, որտեղ աշխատում էր 1998թ․֊ից։ Այդ մասին տեղեկացնում է «taglur.am»֊ը՝ հղում անելով «teatral-online.ru»֊ին։

Մինչ աշխատանքից ազատվելը դերասանուհին հայտարարել էր, որ ինքը հեռացել է Ռուսաստանից՝ Լատվիա։ Իր այս քայլը Խամատովան բացատրել է այն հանգամանքով, որ վախենում է վերադառնալ Ռուսաստան, որպեսզի «խիղճը չկորցնի» և «բանտ չնստի»։

Ավելի վաղ Չուլպան Խամատովան մշակույթի շատ այլ գործիչների հետ ստորագրել էր Ռուսաստանի իշխանություններին ուղղված մի դիմում, որտեղ պահանջ էր ներկայացվում դադարեցնել Ուկրաինայում սկսած «հատուկ ռազմական գործողությունը»։

Բացի այդ Խամատովան ստորագրել է նաև ռուսական մի շարք ոչ առևտրային և բարեգործական կազմակերպությունների կողմից հրապարակված նամակի տակ , որի հեղինակները հայտարարել էին Ռուսաստանի և Ուկրաինայի միջև բանակցություններ սկսելու անհրաժեշտության մասին և հարցի ուժային մեթոդներով լուծման եղանակը համարել էին անմարդկային։





Լուսանկարն՝ ըստ հղման աղբյուրի: 


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 109 անգամ