Քաղաքակրթական ներուժը կեցության բարձրագույն արժեք է:

Ժ.Դեպարդյեն ընդմիշտ հեռանում է բեմից

01.09.2014

Թատրոնի և կինոյի դերասան Ժերար Դեպարդյեն չի բացառել առաջիկայում բեմից հեռանալու հավանականությունը: Այդ մասին հաղորդում է «ԻՏԱՐ-ՏԱՍՍ»-ը՝ հղում անելով ֆրանսիական «Ժուռնալ դե դյումանշ» պարբերականին:

«Ես սիրում էի դուրս գալ բեմահարթակ, սակայն այսօր դա ինձ հոգնեցնում է: Դերասան լինելն արդեն իմը չէ»,- խոստովանել է Դեպարդյեն:

Ֆրանսիական թերթին տված հարցազրույցը նվիրված է եղել «Սիրային նամակներ» պիեսի ներկայացմանը, որը բեմադրվել է Փարիզի «Անտուան» թատրոնում:Նշենք, որ ներկայացման մյուս դերակատարը Անուկ Էմեն է: Այս երկու լեգենդների համատեղ խաղին հանդիսատեսը վերջին անգամ ականատես կլինի հունվարի 11-ին:

Դեպարդյեն նշել է, որ ինքը լիովին ապահովված մարդ է և վաղուց ի վեր չի անհանգստանում դրամ վաստակելու խնդիրների համար: «Ես բավականաչափ աշխատել եմ: Հիմա ես ազատ եմ անել այն, ինչ և երբ ցանկանում եմ: Ես արդեն հանգել եմ որոշակի պարզության և հիմա ցանկանում եմ ուղևորվել դեպի անծանոթ մարդիկ, անհայտ բնապատկերներ: Ցանկանում եմ ուսումնասիրել լեզուներ, որոնցով հիմա չեմ խոսում: Այսօր ես ուսումնասիրում և ինձ համար բացահայտում եմ երկրներ, որոնք ինձ թույլ են տալիս, որպես աշխարհի քաղաքացու, մասնակցել իրենց կինեմատոգրաֆիայի զարգացմանը»,- ասել է դերասանը:

Մոտ մեկ տարի առաջ հրաժարվելով ֆրանսիական քաղաքացիությունից, Դեպարդյեն պահպանում է իր սերտ կապերը հայրենիքի ու ժողովրդի հետ: Ինչպես նա է ասում, ֆրանսիացիները շարունակում են իրեն ցույց տալ բարյացկամ վերաբերմունք և սեր: Նա նշել է, որ այլևս չի ցանկանում ամրանալ որոշակի մի վայրում և Ֆրանսիա կգա միայն հյուրի կարգավիճակով:
«Ես ինձ ավելի ու ավելի ազատ եմ զգում»,- վերջում նշել է Դեպարդյեն:
    Դիտվել է 1020 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353>>հաջորդ