Քաղաքակրթական ներուժը կեցության բարձրագույն արժեք է:

Կ․ Ռայկինի թատերական դպրոցի ռեկտորին սպառնում է 10 տարվա ազատազրկում

05.03.2022


Օրերս Մոսկվայի Բաբուշկինի շրջանային դատարանը երկու ամսով երկարաձգել է Բեմական արվեստների բարձրագույն դպրոցի ռեկտոր Անատոլի Պոլյանկինի տնային կալանքի ժամկետը։ Նա մեղադրվում է առանձնակի խոշոր չափերի խարդախության մեջ։ Այդ մասին տեղեկացնում է «taglur.am»֊ը՝ հղում անելով «oteatre.info»֊ին։

Մոսկվայի շրջանային դատարանը Պոլյանկինի նկատմամբ տնային կալանք կիրառելու դատավճիռ կայացրել է դեռ 2022թ․ ապրիլի 15֊ին։ Մարտի 25֊ին ռեկտոր Պոլյանկինի հրամանով Բեմական արվեստների բարձրագույն դպրոցը (Կոնստանտին Ռայկինի թատեական դպրոցը) մինչև հունիսի 1֊ը պետք է դադարեցներ աշխատանքները։Մարտի 28֊ին դպրոցի մանկավարժական ողջ կոլեկտիվն ու սաները, ինչպես նաև դպրոցի հիմնադիր Կոնստանտին Ռայկինը հայտարարել են, որ դատական հայց են ներկայացնում կրթօջախի ղեկավարության դեմ։

Խարդախության մեջ մեղադրվող ռեկտորը դատական այս գործում իր մեղքը չի ընդունում։ Սակայն իրավապահ մարմինները ունեն դրան հակառակ փաստեր։ Համեմատաբար մեղմ տնային կալանքի դատավճիռը ռեկտորի նկատմամբ բացատրվում է այն հանգամանքով, որ նա վատառողջ է և ունի պատկառելի տարիք։

Պոլյանկինին սպառնում է 10 տարվա ազատազրկում։




Լուսանկարն՝ ըստ հղման աղբյուրի: 

Այս թեմայով այլ հղումներ-1


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 180 անգամ