Քաղաքակրթական ներուժը կեցության բարձրագույն արժեք է:

Կ․ Սերեբրեննիկով․ « Ոչ թե գլխի միջից, այլ խորքից, հենց ընդերքից, ինչպես շունը՝ հոտառությամբ»

05.12.2022


Ռուսաստանցի հայտնի ռեժիսոր Կիրիլ Սերեբրեննիկովը, որը Ուկրաինայում ռուսական «հատուկ գործողության» պատճառով, որպես բողոքի նշան, տեղափոխվել է արտասահման, նկարահանում է «Լիմոնով, բալլադ Էդդիի մասին» անգլերեն լեզվով կենսագրական ֆիլմը։ Այդ մասին «teatral-online.ru» ֊ի տեղեկատվությունը փոխանցում է «taglur.am»֊ը։

Լիմոնովի դերում ռեժիսորը հրավիրել է բրիտանացի հայտնի դերասան Բեն Շոուին։

«Էդդիի դերի համար պահանջվում էր փայլուն դերասան և Բենն ամենահարմարն էր, քան որևէ այլ մեկը։ Բացի այն, որ նա կարդացել էր նրա բոլոր գրքերը և դիտել միլիոնավոր հարցազրույցները, Բենը դեպի Էդդին է գալիս իր կենդանական բնազդի միջով։ Ոչ թե գլխի միջից, այլ խորքից, հենց ընդերքից, ինչպես շունը՝ հոտառությամբ։ Անհավանական է հետևելը, թե ինչպես է նա նկարահանող խցիկի առաջ վերածվում Էդդիի։ Դրան ընդունակ են միայն մեծ դերասանները»,֊ ասել է Սերեբրեննիկովը։

Կինոնկարի հիմքում ընկած է Էմմանուել Քորելի «Լիմոնով» գիրքը, որը ընդգրկում է ուկրաինական Խարկով քաղաքում հասակ առած գրողի կյանքը, մանկությունից մինչև 2004թ․֊ն՝ Ամերիկայում ունեցած նրա արկածները, վերադարձը հետվերակառուցման ժամանակների Ռուսաստան, ազգային֊բոլշևիկյան կուսակցության հիմնումը և կալանավորումը։

Ֆիլմի կեսը նկարահանվել է Ռուսաստանում, բայց հայրենիքից Սերեբրեննիկովի հեռանալուց հետո այն ավարտին կհասցվի Եվրոպայում։ Ֆիլմը վերջնականապես պատրաստ կլինի 2023թ․֊ին և կներկայացվի տարբեր կինոփառատոներում։

Ի դեպ, նախատեսվում է, որ այդ կինոնկարի գովազդային հոլովակը կցուցադրվի մայիսի 17֊ին՝ Կաննի միջազգային կինոփառատոնում, որտեղ Սերեբրեննիկովը կներկայացնի նաև արդեն ավարտված մեկ այլ՝ «Չայկովսկու կինը» կենսագրական դրաման։


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 168 անգամ