Քաղաքակրթական ներուժը կեցության բարձրագույն արժեք է:

Մոտ կես դար առաջ արգելվածը վերածնվել է «Գոգոլ կենտրոն» թատրոնում

05.12.2022


Այսօր, մայիսի 12֊ին, Մոսկվայի «Գոգոլ֊կենտրոն» թատրոնում կներկայացվի «Պահպանեք ձեր դեմքերը» բեմադրությունն՝ ըստ 20֊րդ դարի ռուսաստանցի հայտնի բանաստեղծ Անդրեյ Վոզնեսենսկու համանուն պիեսի։ Այդ մասին «ՏԱՍՍ»֊ի տեղեկատվությունը փոխանցում է «Թագլուրը»։

Ըստ ռեժիսոր Սավվա Սավելևի 1970֊ական թվականներին գրված այդ ստեղծագործության մեջ կան այնպիսի «բացարձակ ճշգրիտ բառեր», որ անմիջականորեն պետք է իրենց արձագանքը գտնեն նաև այսօրվա հանդիսատեսների շրջանում։

Այս պիեսը ունի բեմադրության պատմություն և այն սկսվում է Մոսկվայի Տագանկայայի հայտնի թատրոնում՝ նշանավոր բեմադրիչ Յուրի Լյուբիմովի մեկնաբանությամբ, որն այն ժամանակ երեք ցուցադրությունից հետո արգելվեց։

Երկար տարիներ այս պիեսին որևէ մեկը այլևս չանդրադարձավ և այն համարվում էր անվերադարձ կորուսյալ։ Սակայն դրա պահպանված մի օրինակ, այնուամենայնիվ, հայտնաբերվեց Վոզնեսենսկու անվան հիմնադրամի արխիվում․․․

Ռեժիսոր Սավվա Սավելևի ասելով, ինքը մի քանի ամիս ուսումնասիրել է այս պիեսը և Լյուբիմովի ստեղծած բեմադրությունը, իսկ հետո ըստ Վոզնեսենսկու պիեսի, գրել է նոր լիբրետտո՝ պահպանելով հեղինակի բոլոր մտքերը և բանաստեղծական նյութը։ Սակայն պատումի մեջ ռեժիսորն իր կողմից ավելացրել է նոր բեմադրական միջավայր և նկարիչ Մամիշև֊Մոնրոյի մասին պատմությունը․․․

Ներկայացումն սկսվում է 2013թ․֊ին՝ Ռուսաստանում, ապա տեղափոխվում 2023 թվական։ Բեմադրության մեջ բանաստեղծությունները երկխոսության մեջ են մտնում դիտողական արվեստի՝ Վլադ Մամիշև֊Մոնրոյի արվեստի հետ։ Այս նկարչին ռեժիսորը բնութագրում է որպես մի արվեստագետի, որն ունի հազարավոր դեմքեր։ Նա իր ստեղծագործական նախապատվությունը գտնում է պատմական անհատների կերպարներում․․․

«Մեծ հաշվով սա այն է, ինչը համարվում է միջդիսցիպլինար նախագիծ։ Սա բեմադրություն է, սա կինո է, սա հեռուստատեսություն է և սա պերֆորմատիվային արվեստ է։ Այդ ժանրերը զարմանալի ձևով համադրվել են մեկ ընդհանուր խճանկարում»,֊ նշել է ռեժիսորը իր ներկայացման մասին։

Ավելացնենք, որ ներկայացմանը մասնակցում է նաև հայտնի դերասան Վենիամին Սմեխովը, որը խաղացել է հեռավոր 1970֊ականներին Յուրի Լյուբիմովի աղմուկ հանած բեմադրությունում։


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 39 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389