Քաղաքակրթական ներուժը կեցության բարձրագույն արժեք է:

Իրավապահները ռեժիսորին բաց են թողել առանց արձանագրություն կազմելու

05.30.2022


Նախօրեին, երեկոյան, ըստ Բերթոլդ Բրեխտի «Սարսափն ու վախը երրորդ կայսրությունում» պիեսի բեմադրված «Կավճե խաչ» հակաֆաշիստական ներկայացման ժամանակ Մոսկվայում ձերբակալել են ռեժիսոր Վսեվոլոդ Լիսովսկուն։ Այդ մասին «oteatre.info»֊ի տեղեկատվությունը փոխանցում է «taglur.am»֊ը։

Ռեժիսորը բերման է ենթարկվել Ռուսաստանի մայրաքաղաքի ՆԳ «Դանիլովսկի» բաժին, որտեղ սկսել է բեմադրության երկրորդ փուլը՝ Պլատոնի «Պետություն» ստեղծագործության ընթերցանությունը։

«Չնայած իմ ձերբակալությանը, բեմադրությունը խաղացինք ամբողջությամբ։ Բայց միայն Պլատոնին չհասցրեցինք լրիվ կարդալ, շուտ բաց թողեցին»,֊ մեկնաբանել է Լիսովսկին այդ իրադրությունը սոցիալական ցանցում։։

Ասենք, որ ռեժիսոր Վսեվոլոդ Լիսովսկուն և մի քանի հանդիսատեսի Մոսկվայի իրավապահները նույն ներկայացման մեկ այլ ցուցադրության ժամանակ արդեն ձերբակալել էին։ Այդ դեպքը արձանագրվել է մայիսի 9֊ին։ Թե այն ժամանակ և թե նախօրեին, բոլոր ձերբակալվածներին բաց են թողել առանց արձանագրություն կազմելու։


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 78 անգամ