Քաղաքակրթական ներուժը կեցության բարձրագույն արժեք է:

Մայրիկի բլոգը խախտում է դստեր անձնական սահմանները

06.20.2022

Մոսկվայի «Դրամատիկական արվեստի դպրոց» և «Մեյերհոլդ կենտրոն» թատրոնները առաջին անգամ հանդես են գալու նոր համատեղ նախագծով: Հունիասի 23-ին և 24-ին նրանք հանդիսատեսին են ներկայացնելու ուժերի համատեղման արդյունքում ձևավորված «Վախթանգովյան պրակտիկում» ստեղծագործական միավորման «Մայրիկ ես բլոգեր եմ» բեմադրությունը: Այդ մասին տեղեկացնում է «taglur.am»–ը՝ հղում անելով «teatral-online.ru»–ին:

«Մայրիկ ես բլոգեր եմ»–ը մի կնոջ մասին երևակայական պատմություն է, որը համացանցում սկսում է բլոգ վարել իր հղիության մասին: Դստեր ծնվելուց հետո նա շարունակում է բլոգերյան գործունեությունը և այն ավելի մասսայական դարձնելու համար օգտագործում է տեղեկություններ իր նորածին երեխայի մասին:

Դուստրը մեծանում է և բլոգեր մայրիկը հանդիպում է բարդությունների՝ դուստրը համաձայն չէ բլոգում մոր կողմից իրեն վերապահված դերին:

Մայրիկի բլոգը խախտում է դստեր անձնական սահմանները:

Իրավիճակը դուրս է մնում մայրական վերահսկողությունից:

«Ի՞նչն է մարդուն ստիպում անձնական կյանքը հանել ցուցադրության և վաճառել ողջ աշխարհին»,– հարցնում է բեմադրության երիտասարդ ռեժիսոր Ասյա Կնյազևան և նշում, որ մեր ժամանակակիցներն առաջին իսկ հնարավորության դեպքում հանում են հեռախոսները և նկարում իրավիճակը, որի պատահական ականատեսներն են դարձել: Ըստ ռեժիսորի երբեմն այդպիսի տեսագրությունները համացանցում շրջում են ինչպես «վիրուս»:

Նա ընդգծում է, որ հսկայական քանակությամբ մարդիկ նայում են դրանք և «գնահատականներ» դնում: Որքան շատ են դրական «գնահատականները» այնքան ավելի շատ նոր տեսագրություններ ես պատրաստում և ասես կախվածության մեջ ընկնում այդ շրջապտույտից: Արդյունքում՝ մարդը իրական կյանքին նայում է «եթերից», որտեղ բնակվում են հրեշտակներն ու մուսաները:

«Երբեմն բլոգերությունը հասցնում է լուրջ հոգեկան խախտումներ: Մարդը վերածվում է մանեկենի, իսկ նրա կյանքը՝ ցուցափեղկի: Աշխարհն աստիճանաբար վերածվում է դատարկության, այլանդակ նկարչության, դառնում՝ սառը: Իսկ գուցե ինչ–որ ելք կա և ամեն ինչ կավարտվի բարեհաջո՞ղ»,– հարցնում է ռեժիսորը:

Ավելացնենք, որ բեմադրությունը իրականացվել է «Երիտասարդ ռեժիսուրայի վեկտոր» ծրագրի շրջանակներում, որով 35–րդ թատերաշրջանում հանդես է եկել «Դրամատիկական արվեստի դպրոց» թատրոնը:




Լուսանկարն՝ ըստ հղման աղբյուրի:


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 55 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328