Քաղաքակրթական ներուժը կեցության բարձրագույն արժեք է:

Այսօրվա թատրոնը և «արտահայտչի անարտահայտիչ» գեղագիտությունը

06.30.2022


Նախօրեին, հունիսի 29֊ին, Մոսկվայի գեղարվեստական ակադեմիական թատրոնում (МХАТ) բացվել է կից գործող դպրոց֊ստուդիայի սցենոգրաֆ ուսանողների աշխատանքների «Չեխով/ ՀակաՉեխով» խորագրով ցուցահանդեսը։ Այդ մասին տեղեկացնում է «taglur.am»֊ը՝ հղում անելով «teatral-online.ru»֊ին։

Ցուցադրանքում տեղ են գտել Չեխովի և ժամանակակից դրամատուրգների ստեղծագործությունների հիման վրա արված աշխատանքներ։ Այս միջոցառմամբ թատրոնի տարածքում գործող թանգարանը մեկնարկել է «МХАТ ֊ի թանգարան․ lab» անունով մի նախագիծ, որը հնարավորություն կտա բեմի երիտասարդ նկարիչներին, դրամատուրգներին, ռեժիսորներին և դերասաններին արտահայտել և հանրությանը ներկայացնել իրենց պատկերացումները պահանջվող հեղինակների ստեղծագործությունների թեմաներով։

Ներկայացված ցուցանմուշներից պահանջվում է ներկայացնել, թե ինչպես կարելի է այսօր դիտել և «վերապրել» դասական տեքստերը։

Հատկանշական է, որ դա արվում է դասական և ժամանակակից հեղինակների աշխատանքների յուրահատուկ համեմատության տիրույթում։ Ցուցահանդեսի կազմակերպիչների և մասնակիցների կարծիքով ժամանակակից հեղինակների տեքստերը հետևում են Չեխովի դրամատուրգիայի ավանդներին և միաժամանակ նրան մարտահրավեր նետում՝՝ ընդարձակելով դասականին հասկանալու հորիզոնները։

Ուսանողները նշել են, որ Չեխովը նորամուծություն և բարեփոխում է կատարել բեմական գործողության մեջ, որ նրա նորարարական դրամատուրգիան փոխել է թատրոնի գեղագիտական և բարոյագիտական օրենքները։ Ժամանակի ընթացքում Չեխովի նոր ճշմարտության զգացողությունը փոխվել է և ձեռք բերել դասական երանգավորում, համեմատելի անտիկ ժամանակաշրջանի հետ։

«Այժմ Չեխովը կյանքի հասկացության մեջ դարձել է մեզնից այնքան հեռավոր, որ թվում է նա դարձել է առավել շատ արխաիկ, քան ժամանակակից։ Մեր Չեխովը ՝ անտիկ Չեխով է։ Անտոն Պավլովիչը ընտրել է դրամտուրգիական տեքստի նոր ձև, և հիմա ժամանակակից ցանկացած հեղինակ ստիպված է գործել նրա վրա ետհայացք նետելով․,֊ նշել են կազմակերպիչները։

Ցուցահանդեսը ցույց է տալիս , որ նախկինի պես թատերական նկարչի համար ամենից կարևորը «արտահայտչի անարտահայտիչ» գեղագիտությունն է, հրաժարումը դեկորատիվությունից և կենտրոնացումը մարդկային կյանքի կարևոր նրբությունների վրա։





Լուսանկարն՝ ըստ հղման աղբյուրի: 


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 86 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282