Քաղաքակրթական ներուժը կեցության բարձրագույն արժեք է:

Կյանքից հեռացել է Հանս֊Տիսա Լեմանը

07.19.2022


Հուլիսի 16֊ին, 77 տարեկան հասակում կյանքից հեռացել է հետդրամատիկական թատրոնի տեսության հեղինակ Հանս֊Տիսա Լեմանը։

Վերջին տարիներին նա իր կնոջ, թատերագետ Էլենի Վարոպուլուի հետ ապրում էր Հունաստանի մայրաքաղաք Աթենքում։

Լեմանը հայտնի է նախ և առաջ հետդրամատիկական թատրոնի մասին իր նոր հայեցակարգով, որը շարադրել է 1999թ․֊ին հրատարակված նույնանուն գրքում։
Նրա առաջ քաշած տեսությունը մեծ ազդեցություն է թողել ժամանակակից թատերագիտության և թատրոնի նորագույն պատմության վրա։

Լեմանի «Հետդրամատիկական թատրոն» աշխատության ռուսերեն հրատարակության թարգմանչուհի Նատալիա Իսաևան գրում է․ «Այստեղ հավաքված է հսկայական քանակության նյութ նոր թատրոնի մասին, որն արդեն անցյալ դարի 70-80֊ական թվականներին սկսեց ցուցադրել նախկինում չդիտարկված որոշակի առանձնահատկություններ։ Լեմանը հետևողաբար բերում է այդ նոր հատկությունները և բնութագրերը նախկին թատերական և գեղեգիտական պատմությունից»։

Լեմանը Անջեյ Վիրթի համագործակցությամբ մշակել է Կիրառական թատերագիտության ինստիտուտի ծրագիրը, որը հիմնադրվեց 1982 թ․֊ին Հեսսենի համալսարանի բազայի վրա։ Այստեղ տեսական աշխատանքը միավորվում էր գործնականին։ Այս ինստիտուտն են ավարտել ժամանակակից թատրոնում իրենց յուրահատուկ ասելիքով հայտնի շատ արվեստագետներ։


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 104 անգամ