Քաղաքակրթական ներուժը կեցության բարձրագույն արժեք է:

Անկայունության մեր ժամանակաշրջանում NFT թոքենները շատ ավելի էժան են գնահատվում

08.08.2022


Ժամանակակից ամենաթանկարժեք նկարիչներից մեկը՝ Դեմիեն Հերստը, հայտարարել է, որ այրելու է «Արժույթ» շարքի իր 4851 աշխատանքները ։Ընդհանուր առմամբ նա 10 հազար գծանկար է ստեղծել բազմագույն կետերից։ Իսկ գնորդները հնարավորություն են ունեցել ընտրել՝ թե որն են նախընտրում նրա ստեղծագործություններից՝ ֆիզիկական տարբերակը, թե՞ թվայինը՝ NFT թոքենով: Այդ մասին տեղեկացնում է «taglur.am»֊ը՝ հղում անելով «iz.ru»֊ին։

Կոլեկցիոներների կարծիքները բաժանվել են մոտավորապես հավասար երկու մասի։ Այսպես, 5149 գնորդներ նախընտրել են վերցնել աշխատանքը իր սկզբնական տեսքով՝ առանց NFT-ի, իսկ մնացածներն ընտրել են ավելի նորաձև ձևաչափ՝ դրանով իսկ ֆիզիկական տարբերակները դատապարտելով ոչնչացման, որը Հերստը կիրագործի աշնանը հատուկ միջոցառման շրջանակներում:

Ըստ մասնագետների, այս փորձն ինքնին նորարարական պերֆորմենս է, իսկ կոլեկցիոներներն առաջնորդվել են շատ գործնական նկատառումներով:
Մասնագետները նաև նշել են, որ « երկրորդային շուկայում աշխատանքային NFT թոքենները արժեն մոտ 7000 դոլար, մինչդեռ գծանկարը գնահատվում է 26 հազար (այդքան է այն գնվել, օրինակ, հունվարին կայացած Phillips աճուրդում):

Եվ սա տրամաբանական բացատրություն ունի։

Հերստը հիմնականում դասական նկարիչ է, չնայած NFT-ում ունեցած հաջողություններին, նրա ֆիզիկական աշխատանքները գնվել են մի քանի տասնամյակ շարունակ, և նա կարողացել է հաստատվել դասականի սիրահար կոլեկցիոներների միջավայրում։

Հունիսի 30-ին զեկուցվել է, որ համաշխարհային NFT վաճառքները մեկ տարվա ընթացքում. հասել են իրենց ամենացածր մակարդակին (1 միլիարդ դոլարի շեմը չեն հատել)։ Բացի այդ, խոշորագույն OpenSea շուկայում վաճառքի անկումը կազմել է 75%, իսկ Bored Ape Yacht Club հավաքածուի կապիտալիզացիան նվազել է 33%-ով:

Որոշ արվեստաբանների գնահատմամբ, համաշխարհային անկայունության մեր ժամանակաշրջանում կոլեկցիոներների և արվեստում ներդրում կատարողների պահվածքը միշտ դառնում է ավելի պահպանողական։ նրանք փորձարարական թվային ձևաչափերի փոխարեն նախընտրում են անսասան դասականների՝ ականավոր վարպետների գեղանկարներ:




Լուսանկարն՝ ըստ հղման աղբյուրի: 

Այս թեմայով այլ հղումներ-1


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 25 անգամ