Քաղաքակրթական ներուժը կեցության բարձրագույն արժեք է:

Երևանյան թատրոն֊ստուդիայի սանը՝ Ուլան֊Ուդեի թատրոնի հավանական ղեկավար...

09.27.2022

Ռուսաստանի կազմի մեջ մտնող Բուրիաթական հանրապետության մայրաքաղաքի՝ Ուլան֊Ուդեի Բեստուժևի անվան թատրոնի գեղարվեստական ղեկավար հավանաբար կնշանակվի Երևանի Ստանիսլավսկու անվան ռուսական պետական դրամատիկական թատրոնի դպրոց֊ստուդիայի շրջանավարտ, և երկար տարիներ այդ թատրոնոնում դերասան աշխատած Վյաչեսլավ Դյաչենկո։ Այդ մասին տեղեկացնում է «taglur.am»֊ը՝ հղում անելով «oteatre.info»֊ին։

Դյաչենկո իր նախնական համաձայնությունն է տվել ստանձնելու այդ պաշտոնը թատրոնի նախկին ղեկավար Սերգեյ Լևիցկու փոխարեն, որը երկու անգամ տուգանվել է սոցիալական ցանցերում ՌԴ զինված ուժերի վարկաբեկման գործերով։

Վյաչեսլավ Դյաչենկոն Երևանի Ստանիսլավսկու անվան ռուսական թատրոնում որպես դերասան աշխատել է 1979-2000 թվականներին։ Այնուհետև նա տեղափոխվել է Յոշկար֊Օլայի Ռուսական ակադեմիական թատրոն, որտեղ մեկ տարի աշխատելուց հետո տեղափոխվել է Մոսկվա և և աշխատանքի անցել նախ որպես դերասան Գոգոլի անվան, ապա՝ «Մոդերն» թատրոններում՝ որպես թատերախմբի ղեկավարի ստեղծագործական մասով տեղակալ։





Լուսանկարն՝ ըստ հղման աղբյուրի:


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 68 անգամ