Քաղաքակրթական ներուժը կեցության բարձրագույն արժեք է:

Ռուս-թուրքական համատեղ թատերական նախագիծ նվիրված Թաքսիմ հրապարակի դեպքերին

01.21.2014


Թուրք դրամատուրգները պիես են գրել 2012-ին Թուրքիայում բռնկված բողոքի խոշոր ցույցերի մասին: Անցած շաբաթ օրը՝ հունվար18-ին Մոսկվայի «Театре.doc» (Թատրոն.doc) թատրոնում կայացավ այդ պիեսի ընթերցումը: Այդ մասին հաղորդում է «РИА Новости»-ն՝ հղում անելով թատրոնի ղեկավար Ելենա Գրեմինային:

««Լյուբիմովկա» թատրոնի արթ-տնօրեն Միխաիլ Դուրնենկովը և «Театре.doc»-ի մի ակտիվիստ միջազգային փառատոներից մեկի ժամանակ ծանոթացել են թուրք դրամատուրգների հետ» և առաջարկել թուրք հեղինակներին համատեղ ստեղծել նախագիծ Ստամբուլի հուզումների մասին, տեղեկացրել է Գրեմինան: Եվ ահա թուրք հեղինակները իրենց ռուս գործընկերներին են ներկայացրել «Ստամբուլը վկայում է» վերտառությամբ ներկայացման տեքստը:

Հիշեցնենք, որ Ստամբուլում բողոքների ակցիան սկսվեց 2013թ.-ի մայիսի վերջին: Դրա համար պատճառ էր հանդիսացել այն, որ երկրի իշխանությունների որոշմամբ Թաքսիմ հրապարակի մոտ գտնվող Գեզի պուրակը պետք է քանդվեր և դրա տեղում կառուցվեր առևտրի և ժամանցի համալիր: Այդ հուզումների հետևանքով 5 մարդ զոհվեց, ավելի քան 5 հազար մարդ էլ ստացավ տարբեր աստիճանի վնասվածքներ: Հուզումները տևեցին մի քանի ամիս:

Պիեսը հեղինակել են դրամատուրգներ Շենայ Թանրիվերմիշը, Օզնուր Շահինը, Սամի Օզբութաքը և Բուրաք Սաֆա Քալիսը: Ընթերցումը «Театре.doc» թատրոնի, ժամանակակից դրամատուրգիայի «Լուբիմովկա/Պերեպոստ» փառատոնի և թուրքական «Գալաթա Պրֆորմ» թատրոնի համատեղ նախագիծն է:

Գրեմինան չի բացառել, որ ընթերցումից հետո պիեսը բեմականացվի և ընդգրկվի «Театре.doc» թատրոնի խաղացանկում:
    Դիտվել է 424 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255>>հաջորդ