Քաղաքակրթական ներուժը կեցության բարձրագույն արժեք է:

Մոսկվացի երեխաների մոտ 90 տոկոսը դեռ ոչ մի անգամ թատրոն չի հաճախել

02.03.2014

Այսօր Մոսկվայի «Ցենտրալնայա» (Կենտրոնական) մարզի թիվ 91 դպրոցում մեկնարկում է «Բաց բեմ» թատրոնի «Թատերական հանդիսատեսի ակադեմիա» նախագիծը: Այդ մասին հաղորդում է «teatral-online.ru»-ն:

Ըստ այդ նախագծի Ռուսաստանի մայրաքաղաքի դպրոցներում և մյուս կրթական հաստատություններում կանցկացվեն ինտերակտիվ դասախոսություններ: Ընթացիկ տարում այս նախագծի շրջանակներում միջոցառումներ կանցկացվեն Մոսկվայի 50 կրթօջախում:

Նախագիծը կմեկնարկի ցածր տարիքի դպրոցահասակներից ձևավորված լսարաններում: Նրանց համար նախատեսվում է անցկացնել ինտերակտիվ-ներկայացում-դասախոսություն: Երեխաները կիմանան, թե թատերական ինչ ժանրեր կան և ինչով են դրանք մեկը մյուսից տարբերվում, ինչպես պետք է իրեն պահել թատրոնում և այլն:

Այս նախագծի հեղինակներից մեկը՝ երիտասարդ ռեժիսոր Արսենի Էպելբաումն է, ով համարում է, որ Ռուսաստանում լուրջ թատերական մշակույթը վտանգված է և, ուրեմն, անհրաժեշտ է ներդնել բավականաչափ եռանդ և միջոցներ, որպեսզի այն հնարավոր լինի պահպանել: Իսկ այդպիսի գործում դրական արդյունքի հասնելու համար աշխատանքը պետք է սկսել հենց երեխաների միջավայրից:
Հաղորդագրության մեջ ընդգծվում է, որ, համաձայն վիճակագրության, կրտսեր դասարաններում սովորող մոսկվացի երեխաների մոտ 90 տոկոսը դեռ ոչ մի անգամ թատրոն չի հաճախել:
    Դիտվել է 537 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167