Քաղաքակրթական ներուժը կեցության բարձրագույն արժեք է:

Լրացավ ռուսական թատերական ավանգարդի դասականի 140-ամյակը

02.12.2014

Մոսկվայում մեկնարկել է «Ես Մեյերհոլդն եմ» թատերական փառատոնը՝ նվիրված ռուսական ավանգարդի դասականի 140-ամյակին, որը լրացավ փետրվարի 9-ին: Ստուգատեսի առաջին օրը հանդիսատեսներին ներկայացվեց «Կենսաքիմիա: Մտադրություն» վերտառությամբ ցուցահանդես և ընթերցվեց նշանավոր ռեժիսորի կանքի մասին պատմող նոր պիես, հաղորդում է «ԻՏԱՐ-ՏԱՍՍ»-ը:

«Այս փառատոնը կբարձրացնի այնպիսի հարցեր, որոնք հուզում են ժամանակակից ռեժիսորներին, կօգնի ցրել այն առասպելները որոնցով ձևավորվել են պատկերացումները Մեյերհոլդի մասին և կցուցադրի, թե արդյո՞ք ողջ են Մեյերհոլդի թատրոնի ավանդույթները»,-ասել են այս միջոցառման կազմակերպիչները:

«Կենսաքիմիա: Մտադրություն» վերտառությամբ ցուցահանդեսը լուսանկարների և տեսագրությունների միջոցով ներկայացնում է Մեյերհոլդի կյանքի տարբեր դրվագները: Նշենք, որ տեսագրությունը արված է 1928թ.-ին նկարահանված կինոժապավենի հիման վրա, որտեղ պատկերվում է, թե ինչպիսի ֆիզիկակակն վարժությունների համալիր են կիրառել Մեյերհոլդի թատրոնի դերասանները:

Հետաքրքիր էր նաև «Տեատր.դոք» թատրոնի համահիմնադիր Ելենա Գրեմինայի «Մեյերհյուլդիյա» պիեսի ընթերցումը, որին գործնականում մասնակցեցին Մոսկվայի տարբեր թատրոննների դերասաններ: Ռեժիսորի կյանքի դրվագները ներկայացնող պիեսը ցույց է տալիս, որ իր կյանքի բոլոր իրավիճակներում նա զբաղված է եղել ստեղծագործելով: 3 տարվա մեջ՝ 1902-1905թթ.-երի ընթացքում, նա բեմադրել է 170 ներկայացում:

Փառատոնի առաջին օրը անցկացվեց նաև քննարկում Մեյերհոլդի նոր ստեղծագործական սկզբունքների թեմայով, որոնք միանգամայն հակադիր էին Ստանիսլավսկու համակարգին:
Գրեմինայի կարծիքով Մեյերհոլդը դա Մոցարտն էր, որ ցանկանում էր լինել Սալյերի: Նա նշում է, որ ավանգարդի դասականը փորձում էր «…հանուն երազանքի քանդել թատերական լեզվի ստեղծված հարմոնիան՝ ձգտելով վերածել այն հանրահաշվի և տեղադրել կոշտ շրջանակների մեջ»:

Վսեվոլոդ Մեյերհոլդի կենտրոնի տնօրեն Ելենա Կովալսկայան հայտնել է, որ այս պիեսը կմշակվի և մեկ տարվա ընթացքում կներկայացվի հանդիսատեսին՝ որպես լիարժեք ներկայացում:
Հոբելյանական միջոցառումների շրջանակում նախատեսված է անցկացնել Մեյերհոլդին նվիրված կոնֆերանս և մի շարք այլ հետաքրքրական միջոցառումներ:
    Դիտվել է 622 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335>>հաջորդ