Քաղաքակրթական ներուժը կեցության բարձրագույն արժեք է:

Հանդիսատեսը կծանոթանա արխիվային հազվադեպ նյութերի

02.19.2014

Այսօր Ռուսաստանի 23 քաղաքների կինոթատրոններում կցուցադրեն Մեծ Բրիտանիայի Թագավորական ազգային թատրոնի հոբելյանական երեկոյի տեսագրությունը, որը տեղի է ունեցել 2013թ.- նոյեմբերի 2-ին: Այդ միջոցառմանը մասնակցում էին բրիտանացի լավագույն դերասաններ Սայմոն Ռասսել Բիլլը, Հելլեն Միրրեն, Բենեդիկտ Քամբերբեթչը և ուրիշները, որոնց հայ հանդիսատեսն առավել շատ ծանոթ է կինոնկարներից: Այդ մասին հաղորդում է «teatral-online.ru»-ն:

Լրատվամիջոցը նաև նշում է, որ այդ միջոցառման ժամանակ ցուցադրվել են արխիվային հազվադեպ նյութեր և հարցազրույցներ:

Բրիտանական Թագավորական ազգային թատրոնը այս եղանակով մտադրվել է ավելի մասսայականացնել իր ներկայացումները: Այդ նպատակով ստեղծվել է «National Theatre Live» (NT Live) նախագիծը, որը հնարավորություն է տալիս, պայմանագրային հարաբերություններ հաստատելուց հետո, բրիտանական թատրոնի լավագույն ներկայացումները հասանելի դարձնել ամբողջ աշխարհին:

Թագավորական ազգային թատրոնը դասական թատրոնի լավագույն օրինակներից է: Հանճարեղ ճարտարապետ Դենիս Լասդանի նախագծով կառուցված մշակութային օջախը հանդիսատեսի առջև դռները բացել է 1976թ.-ին: Այն ունի երեք հանդիսասրահ, որոնք, ընդհանուր առմամբ, ունեն 2,5 հազար նստատեղ:

Թատրոնը զինված է ժամանակակից տեխնիկական սարքավորումներով և այստեղ ներկայացումների ընթացքում, դեկորացիան փոխելու, լրացուցիչ իլյուստրացիաներով բեմական միջավայրը հարստացնելու կամ ձայնային ու գունային երանգներ ստանալու համար հաճախ են կիրառվում բարձր տեխնոլոգիական միջոցներ:

Պաշտոնական բացումից հետո Մեծ Բրիտանիայի Թագավորական ազգային թատրոնը աչք է ընկել թատերախմբի կոլեկտիվ աշխատանքի արդյունավետությամբ: Դա բազմիցս արդեն նշվել է զանազան ստուգատեսերի ժամանակ՝ արժանանալով բարձր գնահատականների:
    Դիտվել է 615 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371>>հաջորդ