Քաղաքակրթական ներուժը կեցության բարձրագույն արժեք է:

Ղրիմում հյուրընկալվող առաջին թատերական կոլեկտիվը կներկայացնի 9 բեմադրություն

03.19.2014

Սվերդլովսկի երաժշտական կոմեդիայի ակադեմիական թատրոնը իր ներկայացումները կցուցադրի Ղրիմում: Հյուրախաղերը տեղի կունենան հուլիսի 11-ից օդոստոսի 10-ն ընկած ժամանակահատվածում: Այդ մասին հաղորդում է «ԻՏԱՐ-ՏԱՍՍ»-ը՝ հղում անելով մշակութային օջախի տնօրեն Միխայիլ Սաֆրոնովին:

«Պետք է ելույթ ունենանք ձեռնարկություններում, զինվորական զորամասերում, նավերի վրա, բաժանենք ուրախություն»,- նշել է տնօրենը:

Թատերախումբը Ղրիմում կցուցադրի իր խաղացանկում ընդգրկված 9 ներկայացում, որոնց թվում «Խորհրդային ժամանակաշրջանի այգին», «Սպիտակ գվարդիան» թատերգությունները, «Եկատերինա Մեծ» օպերան և այլն: «Մենք չենք կարող ղրիմցիներին չցուցադրել «Մեռյալ հոգիները», որը «Ոսկե դիմակ» մրցանակաբաշխության քառակի դափնեկիր է»,- ընդգծել է Սաֆրոնովը:
Ավելացնենք, որ այս թատրոնը Ուրալում գործող բեմարվեստի օջախներից առաջինն է, որ հյուրախաղերով հանդես կգա Ղրիմում:

Սվերդլովսկի երաժշտական կոմեդիայի թատրոնը հիմնադրվել է 1933 թ.-ին: Այն խորհրդային տարիներին, ապա նաև դրանից հետո արժանացել կառավարական մի շարք բարձր պարգևների, ստացել է «Ակադեմիական» պատվավոր կոչում, 16 անգամ արժանացել է Ռուսաստանի ազգային «Ոսկե դիմակ» մրցանակի: 2013թ.-ին լրացավ թատրոնի 80 ամյակը:

Այսօր ՌԴ նախագահ Պուտինը, Ղրիմը և Սևաստոպոլ քաղաքները ներկայացնող պաշտոնական ներկայացուցիչները ստորագրեցին թերակղզին ու քաղաքը Ռուսաստանի կազմի մեջ ընդունելու վերաբերյալ փաստաթուղթը:

    Դիտվել է 611 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371>>հաջորդ