Քաղաքակրթական ներուժը կեցության բարձրագույն արժեք է:

Ժիրինովսկին պահանջել է ճանապարհ տալ երիտասարդ դերասաններին

03.27.2014


Ռուսաստանի Լբերալ-ժողովրդավարական կուսակցության առաջնորդ Վլադիմիր Ժիրինովսկին հայտարարել է, որ Ռուսաստանում չկան հրատապ պիեսներ և առաջարկել է բեմադրել ժամանակակից պիեսներ, օրինակ՝ Նովոսիբիրսկի նահանգապետի պաշտոնաթողության վերաբերյալ : Այդ մասին «teatral-online.ru»-ի փոխանցմամբ հաղորդում է «РИА Новости»-ն:

«Ես չեմ այցելում Մոսկվայի թատրոններ, որովհետև չկա գոնե մեկ լավ ներկայացում: Թատերական գործիչները բողոքում են, որ իրենք քիչ փող ունեն: Իսկ ինչու՞ ձեզ փող տալ: Եթե դահլիճում շատ հանդիսատես լինի, ապա կհավաքվի շատ փող և դուք կստանաք ձեզ անհրաժեշտ ֆինանսներ: Սակայն մարդիկ չեն ցանկանում գալ ձեր ներկայացումներին»,-ասել է Ժիրինովսկին:
Քաղաքական գործիչն ասել է, որ բեմադրությունների համար պիեսները պետք է ժամանակակից դարձնել:

«Այսօր հեղինակները չեն կարողանում գրել որևէ նոր բան: Վերցնենք Գորկու «Կլիմ Սամգինի կյանքը» պատմվածքը: Սյուժեում ներկայացվում է երիտասարդ մարդու մտորումները, ցուցադրված է Ռուսաստանի կյանքը 20-րդ դար սկզբին: Այդպիսի գրքեր այսօր չկան: Այդ դեպքում եկեք վերցնենք արդեն պատրաստիները և դրանք դարձնենք ժամանակակից: Օրինակ, Նովոսիբիրսկի մարզում անվստահություն հայտնելով հեռացրել են մարզպետին, ահա և պատմվածքի սյուժե: Գրեք, թե ի՞նչ է նա արել, ո՞վ է նրան ստուգել: Դա հետաքրքիր կլինի, քանի որ ժամանակակից ներկայացում կստացվի, որը ունի հրատապ թեմա»,- ընդգծել է հայտնի լիբերալ գործիչը:

Նա գտնում է, որ թատրոններում պետք է աշխատեն երիտասարդ դերասանները: «Մեզանում շատ են Շչեպկինի, Շչուկինի անվան ուսումնարանների, Համառուսաստանյան կինոինստիտուտի շրջանավարտները և այլն: Իսկ որտե՞ղ են այդ երիտասարդ դերասանները: Ճանապարհ տվեք երիտասարդներին»,- պահանջել է Ժիրինովսկին:
    Դիտվել է 601 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371>>հաջորդ