Քաղաքակրթական ներուժը կեցության բարձրագույն արժեք է:

Նախկին նախագահը հանդես է եկել որպես գեղանկարիչ

04.08.2014


ԱՄՆ-ի նախկին նախագահ Ջորջ Բուշ-կրտսերը ներկայացրել է իր կողմից նկարված գունանկարների ցուցահանդեսը, որը կրում է «Առաջնորդության արվեստը. նախագահի անձնական դիվանագիտությունը» խորագիրը: Այդ մասին հաղորդում է «gazeta.ru»-ն:

Ցուցասրահում ներկայացված են համաշխարհային քաղաքականության ավելի քան 20 առաջնորդների դիմանկարներ, որոնց հետ Բուշ-կրտսերն աշխատել է իր նախագահության շրջանում՝ Վլադիմիր Պուտին, Անգելա Մերկել, Թոնի Բլեր և այլք:

Գեղանկարներից բացի ցուցահանդեսում ներկայացված են նաև լուսանկարներ, տարբեր առարկաներ, որոնք ինչ-որ ձևով առնչվում է Բուշի գործունեությանը:

Ցուցահանդեսը տեղի է ունենում Բուշ-կրտսերի անվան նախագահական կենտրոնի Դալլասում գտնվող շենքում և կտևի մինչև հունիսի 3-ը:
    Դիտվել է 630 անգամ