Քաղաքակրթական ներուժը կեցության բարձրագույն արժեք է:

Բեմադրություն նվիրված «20-րդ դարի Մոցարտ»-ին

04.14.2014


Մոսկվայի Բորիս Պոկրովսկու անվան ակադեմիական Կամերային երաժշտական թատրոնը առաջին անգամ անդրադարձել է Շուբերտ-Դենիսովի «Ղազարոս կամ համբարձման հանդիսավորությունը» օպերայի բեմական տարբերակին: Այդ մասին հաղորդում է «РИА Новости»-ն: «Կամերային երաժշտական թատրոնի այս բեմադրությունը առաջինն է ոչ միայն Ռուսաստանում, այլև աշխարհում: Գերմանիայում այս ստեղծագոգգրծությունը հնչել է, սական միայն համերգային կատարմամբ»,- ասել է հատուկ ներկայացմանը ներկա գտնվելու նպատակով Փարիզից Մոսկվա ժամանած մշակութաբանության դոկտոր Եկատերինա Կուպրովսկայան՝ Էդիսոն Դենիսովի այրին:

«Ղազարոս կամ համբարձման հանդիսավորությունը» օպերայի յուրահատկությունն այն է, որ այդ ստեղծագործության մեջ միավորվել են առաջին հայացքից միմյանցից տարբեր երկու երաժիշտ հեղինակներ՝ Շուբերտը և Դենիսովը:

Դասական երաժշտությամբ հետաքրքրվող հասարակությունը եթե Շուբերտին գնահատում է որպես առաջին խոշոր երաժիշտ-ռոմանտիկի, ապա Դենիսովը ընկալվում է, որպես 20-րդ դարի երաժշտական ավանգարդի մեծություն:

Ներկայացվող օպերան միաժամանակ թե թատերական և թե կրոնական ստեղծագործություն է: Շուբերտն այն անվանել է «Կրոնական դրամա»: Սակայն նրա ձեռագրերը վկայում են, որ նա ստեղծում էր մի օպերա, որը նախատեսվում էր բեմի համար:

Շուբերտի կյանքի օրոք հարազատները նույնիսկ չէին կասկածում այդ օպերայի գոյության մասին: Այն կոմպոզիտորի մահից հետո հայտնաբերել է եղբայրը: Բայց օպերան կիսատ է եղել: Նախատեսված 3-ի փոխարեն կոմպոզիտորը հասցրել էր ստեղծել միայն երկու, այն էլ ոչ լիարժեք գործողություններ: Միայն 1994թ.-ին Շտուտգարտի Բախի անվան ակադեմիայի ղեկավար Հելմուտ Ռիլլինգի խնդրանքով Էդիսոն Դենիսովը ձեռնամուխ եղավ և ավարտեց պարտիտուրան:

Մեծ վարպետի ստեղծահգործությունը մոռացումից վերադարձվեց մարդկությանը:

«Ղազարոս կամ համբարձման հանդիսավորությունը» օպերան հանդիսատեսի առջև կբացի դեռևս անհայտ Շուբերտի, քանի որ նա հայտնի է որպես երգերի և սիմֆոնիաների, բայց ոչ երբեք բեմական ստեծագործությունների հեղինակ:

Ռուսաստանցի կոմպոզիտոր Էդիսոն Դենիսովը, ում արտասահմանում անվանում էին «20-րդ դարի Մոցարտ» բազմաժանր երաժիշտ է: Նրա ստեղծագործություններից են, օրինակ «Ինկերի արևը» կանտատը, «Օրերի փրփուրը» օպերան, «Մեր տեր աստված Հիսուս Քրիստոսի կյանքի պատմությունը» օրատորիան և այլն:

1994թ.-ին Դենիսովը ավտովթարի ենթարկվեց: Բուժման նպատակով տեղափոխվեց ֆրանսիա, որտեղ էլ ապրեց մինչև կյանքի վերջը: Նա Փարիզի պատվավոր քաղաքացի է, Ֆրանսիայի Գրականության և արվեստի շքանշանի ասպետ:

Նրա կողմից ավարտին հասցված ր ամբողջացված օպերայի բեմականացումը նվիրվել է իր իսկ հիշատակին և ծննդյան 85-ամյակին:
    Դիտվել է 625 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347>>հաջորդ