Քաղաքակրթական ներուժը կեցության բարձրագույն արժեք է:

Մյունխենցիներին մտահոգում է համասեռամոլության մասին Գերգիևի կարծիքը

05.23.2014


Վալերի Գերգիևը անցյալ շաբաթ հանդիպել է Մյունխենի քաղաքային իշխանությունների ներկայացուցիչների հետ և ունեցել ոչ դյուրին երկխոսություն: Այդ մասին հաղորդում են ռուսական լրատվամիջոցները՝ նաև հիշեցնելով, որ մաեստրոն 2015 թ.-ին պետք է զբաղեցնի գերմանական այդ խոշոր քաղաքի հայտնի սիմֆոնիկ նվագախմբի ղեկավարի պաշտոնը:

Բանն այն է, որ վերջին շրջանում Գերգիևը խիստ քննադատության էր ենթարկվում Գերմանիայում՝ կապված Ռուսաստանի իշխանությունների վարած քաղաքականության նկատմամբ նրա դրական վերաբերմունքի և իր օժանդակությունը հայտնելու հարցի հետ: Գերմանացիներին հատկապես մտահոգում էր համասեռամոլության քարոզն արգելելու մասին Ռուսաստանում ընդունված օրենքի վերաբերյալ նրա դիրքորոշումը, իսկ հիմա էլ դրան ավելացել է Ղրիմի հարցը:

Գերմանիայի որոշ շրջանակներ ուղղակի բացահայտ պահանջում են խզել Գերգիևի հետ կնքված պամանագիրը: Սակայն Մյունխենի քաղաքապետարանում կայացած հանդիպումից հետո, իր դիրքորոշման բացատրությամբ երաժիշտը մայիսի 20-ին հանդես է եկել բաց նամակով՝ ուղղված Մյունխենի հանդիսատեսներին:

Ինչպես հաղորդում է «Deutsche Welle » պարբերականը, իր նամակում դիրիժորը նժել է, որ ինքը կիսում է ռուսաստանցի ժողովրդի կնսական սկզբունքները, այդ թվում «տաբուներին հետևելը, որոնք վերջին տարիներին մեծ նշանակություն չունեն արևմտյան երկրներում, բայց որոնց վերացման համար անհրաժեշտ են բազմաթիվ փորձեր և շատ ժամանակ»:

Նամակը Գերգիևն ավարտում է երկրների միջև երկխոսությունը շարունակելու կոչով:
    Դիտվել է 600 անգամ
    123456789101112131415161718192021222324252627282930313233343536373839404142434445464748495051525354555657585960616263