Քաղաքակրթական ներուժը կեցության բարձրագույն արժեք է:

Նախկին առաջին տիկինը ֆրանսիական շանսոն է ներկայացնում ռուսաստանցիներին

06.04.2014


Ֆրանսիայի նախկին նախագահ Նիկոլա Սարկոզիի կինը՝ Կարլա Բրունի-Սարկոզին այս օրերին համերգային ծրագրով հանդես է գալիս Ռուսաստանում: Հունիսի 2-ին Ֆրանսիայի նախկին առաջին տիկինը ելույթ է ունեցել Մոսկվայի հանդիսատեսների առջև, իսկ այսօր՝հունիսի 4-ին, հանդես կգա սանկտ-պետերբուրգցի երկրպագուների համար: Այդ մասին հաղորդում է «ԹԱԳԼՈՒՐ» լրատվական կայքը՝ հղում անելով ռուսական լրատվամիջոցներին:

«Կարլա Բրունին գիթառի ուղեկցությամբ Նևայի վրա գտնվող քաղաք կբերի ֆրանսիական փոքրիկ երգեր և Փարիզի հատուկ մթնոլորտը, որը շատ հեշտությամբ կարելի է զգալ ոչ միայն նրա երգերի յուրաքանչյուր տողում, այլև երգչուհու կերպարում»,- ասված է համերգի կազմակերպիչների հաղորդագրության մեջ:

Բրունին Ճանաչված երգչուհի է հայրենիքում: Նա նաև թոփ-մոդել է: «Ինչ-որ մեկն ինձ ասաց» վերնագրով իր առաջին ձայնագրությունների ալբոմը թողարկել է 2003 թ.-ին: Նա ժամանակակից ֆրանսիական շանսոնի հետևորդ է, երգի միջոցով առաջին դեմքից ներկայացնում է սիրային տարբեր պատմություններ:

Կարլա Բրունին Ֆրանսիայի նախկին նախագահ Նիկոլյա Սարկոզիի հետ ծանոթացել է 2007 թ.-ին, երբ վերջինս զբաղեցնում էր երկրի ղեկավարի պաշտոնը: Հաջորդ տարի՝ 2008թ.-ին նրանք ամուսնացան: Սա Նիկոլյա Սարկոզիի 3-րդ ամուսնությունն էր: 2011թ.-ին ծնվեց նրանց աղջիկը՝ Ջուլիան:
    Դիտվել է 456 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185