Թատրոն, որի արտիստները հասնում են կատարյալի բարձրագույն սահմաններին08.24.2018
Չեխովի անվան թատերական միջազգային փառատոնը Ռուսաստանում ծրագրել է և սեպտեմբերին կկազմակերպի ճապոնական «Սյոթիկու Գրանդ Քաբուքի – Թիքամացու-Ձա» թատրոնի ներկայացումների ցուցադրությունը: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:
«Սյոթիկու Գրանդ Քաբուքի – Թիքամացու-Ձա» թատրոնը քաբուքի թատերախմբերի մեջ հայտնիներից մեկն է:
Քաբուքի թատրոնը ծագել է 17-րդ դարում և խնամքով պահպանում է հին ավանդները: Ժամանակակից հանդիսատեսը այս տեսակի թատրոնում չի կարող գտնել ժամանակակից կյանքի հետ համահունչ իրավիճակ: Նա պետք է կարողանա բավականություն ստանալ թատերական արվեստով՝ որպիսին այն կա, վայելել դերասանների վարպետությունը, որը քաբուքի թատրոնում հասնում է կատարյալի բարձրագույն սահմաններին: Այդպես է բնորոշում չեխովյան փառատոնը ճապոնական բեմարվեստի այս յուրահատուկ տեսակը:
Մոսկվայում և Սանկտ-Պետերբուրգում, հյուրախաղերի ընթացքում, որոնք կկայանան սեպտեմբերի 9-22-ը, ճապոնացի արտիստները կցուցադրեն միջնադարյան դրամատուրգ Թիքամացու Մոնձաէմոնի (1653 – 1724) «Քեյսեյ Հանքոքո» պիեսի բեմադրությունը:
Թիքամացու Մոնձաէմոնի ստեղծագործությունները շատ թատերագետներ գեղարվեստականությամբ և ստեղծագործական որակներով համեմատում են Շեքսպիրի երկերի հետ:
Ռուսաստանում ճապոնիայի մշակութային օրերի շրջանակում անցկացվող այս հյուրախաղերի ընթացքում ցուցադրվող այս ներկայացման բովանդակությունը հիմնված է Թոսա նկարչական դպրոցի աղքատ նկաիրչ Ուքիյո Մաթահեյի մասին լեգենդի վրա:
Նա մանկության օրերին տառապել է կակազով, որը շատ է դժվարացրել նրա հետ հաղորդակցումը: Նրան ստորացրել է ուսուցիչը՝ Սյոգենը, որն իր կրտսեր աշակերտին շնորհել է մասնագիտական կեղծանուն ունենալու պատիվը, բայց այդ նույն շնորհը չի արել Մաթահեյին:
Մաթահեյը խնդրում է ուսուցչին իրեն ուղարկել պայքարելու հարևան գյուղը զավթած ավազակների դեմ, սակայն կրկին ստանում է մերժում:
Հուսահատված Մաթահեյը և նրա կինը՝ Օթոքուն, որոշում են վերջ տալ իրենց կյանքին: Բայց մերժված արվեստագետը ցանկանում է թողնել իր հետքն այս աշխարհում: Եվ նա մի քարի վրա նկարում է սեփական դիմանկարը (ճապոներեն՝ Թոձյու-բաթի): Եվ կատարվում է հրաշք: Հիանալի նկարը ներթափանցում է քարի մեջ: Ուսուցիչ Սյոգենը, աշակերտի տաղանդից ցնցված, նրան շնորհում է երկար սպասված կեղծանունը՝ Թոսանո Միցուոքի և ուղարկում է գործելու իր սխրանքը:
Օթոքուի թմբուկի կարկտահարվածների ներքո երիտասարդ նկարիչը կատարում է հանդիսավոր պար:
Ճապոնացի արտիստներին հյուրընկալող ռուսաստանցի հանդիսատեսները հնարավորություն կստանան դիտելու նաև քաբուքի թատրոնի կողմից ներկայացվող «Յոսինոյամա» միթիյուքիի պարային մեկնաբանությունը: Միթիյուքին կատարվում է, որպես ինքնուրույն պարային պիես, որը առանձնացված է բնօրինակ պիեսի դրամատիկական հատվածից և ներկայացնում է հերոսների ճանապարհորդություն:
«Յոսինոյամայի» սյուժեն, որը համարվում է միթիյուքիի գեղեցիկ նմուշներից մեկը, կապված է հրաշքների հետ, որոնք հերոսներին պատահում են ճանապարհին:
Հերոսների ճանապարհորդությունը բնության մեջ նկարագրական լիրիկայի հիանալի հնարավորություն է ընձեռում, որը ներկայացվում է խորեոգրաֆիայով:
«Յոսինոյաման» քաբուքի թատրոնի հանրահայտ «Յոսիցունե և հազար բալենիներ» պիեսի մասերից է: Այս ստեղծագործությունը անդրադառնում է 1181-1185 թվականների պատմական անցքերին՝ Հեմփեյում տեղ գտած պատերազմական գործողություններին, Մինամոթո (Հենձի) և Թայրա (Հէյքզ) տոհմերի հակամարտությանը, Մինամոթո տոհմի երկու եղբայրների՝ Յորիթոմոի և Յոսիցունեի երկապառակությանը և խաղաղության հաստատմանը:
Լուսանկարն՝ ըստ հղման աղբյուրի
Չեխովի անվան թատերական միջազգային փառատոնը Ռուսաստանում ծրագրել է և սեպտեմբերին կկազմակերպի ճապոնական «Սյոթիկու Գրանդ Քաբուքի – Թիքամացու-Ձա» թատրոնի ներկայացումների ցուցադրությունը: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:
«Սյոթիկու Գրանդ Քաբուքի – Թիքամացու-Ձա» թատրոնը քաբուքի թատերախմբերի մեջ հայտնիներից մեկն է:
Քաբուքի թատրոնը ծագել է 17-րդ դարում և խնամքով պահպանում է հին ավանդները: Ժամանակակից հանդիսատեսը այս տեսակի թատրոնում չի կարող գտնել ժամանակակից կյանքի հետ համահունչ իրավիճակ: Նա պետք է կարողանա բավականություն ստանալ թատերական արվեստով՝ որպիսին այն կա, վայելել դերասանների վարպետությունը, որը քաբուքի թատրոնում հասնում է կատարյալի բարձրագույն սահմաններին: Այդպես է բնորոշում չեխովյան փառատոնը ճապոնական բեմարվեստի այս յուրահատուկ տեսակը:
Մոսկվայում և Սանկտ-Պետերբուրգում, հյուրախաղերի ընթացքում, որոնք կկայանան սեպտեմբերի 9-22-ը, ճապոնացի արտիստները կցուցադրեն միջնադարյան դրամատուրգ Թիքամացու Մոնձաէմոնի (1653 – 1724) «Քեյսեյ Հանքոքո» պիեսի բեմադրությունը:
Թիքամացու Մոնձաէմոնի ստեղծագործությունները շատ թատերագետներ գեղարվեստականությամբ և ստեղծագործական որակներով համեմատում են Շեքսպիրի երկերի հետ:
Ռուսաստանում ճապոնիայի մշակութային օրերի շրջանակում անցկացվող այս հյուրախաղերի ընթացքում ցուցադրվող այս ներկայացման բովանդակությունը հիմնված է Թոսա նկարչական դպրոցի աղքատ նկաիրչ Ուքիյո Մաթահեյի մասին լեգենդի վրա:
Նա մանկության օրերին տառապել է կակազով, որը շատ է դժվարացրել նրա հետ հաղորդակցումը: Նրան ստորացրել է ուսուցիչը՝ Սյոգենը, որն իր կրտսեր աշակերտին շնորհել է մասնագիտական կեղծանուն ունենալու պատիվը, բայց այդ նույն շնորհը չի արել Մաթահեյին:
Մաթահեյը խնդրում է ուսուցչին իրեն ուղարկել պայքարելու հարևան գյուղը զավթած ավազակների դեմ, սակայն կրկին ստանում է մերժում:
Հուսահատված Մաթահեյը և նրա կինը՝ Օթոքուն, որոշում են վերջ տալ իրենց կյանքին: Բայց մերժված արվեստագետը ցանկանում է թողնել իր հետքն այս աշխարհում: Եվ նա մի քարի վրա նկարում է սեփական դիմանկարը (ճապոներեն՝ Թոձյու-բաթի): Եվ կատարվում է հրաշք: Հիանալի նկարը ներթափանցում է քարի մեջ: Ուսուցիչ Սյոգենը, աշակերտի տաղանդից ցնցված, նրան շնորհում է երկար սպասված կեղծանունը՝ Թոսանո Միցուոքի և ուղարկում է գործելու իր սխրանքը:
Օթոքուի թմբուկի կարկտահարվածների ներքո երիտասարդ նկարիչը կատարում է հանդիսավոր պար:
Ճապոնացի արտիստներին հյուրընկալող ռուսաստանցի հանդիսատեսները հնարավորություն կստանան դիտելու նաև քաբուքի թատրոնի կողմից ներկայացվող «Յոսինոյամա» միթիյուքիի պարային մեկնաբանությունը: Միթիյուքին կատարվում է, որպես ինքնուրույն պարային պիես, որը առանձնացված է բնօրինակ պիեսի դրամատիկական հատվածից և ներկայացնում է հերոսների ճանապարհորդություն:
«Յոսինոյամայի» սյուժեն, որը համարվում է միթիյուքիի գեղեցիկ նմուշներից մեկը, կապված է հրաշքների հետ, որոնք հերոսներին պատահում են ճանապարհին:
Հերոսների ճանապարհորդությունը բնության մեջ նկարագրական լիրիկայի հիանալի հնարավորություն է ընձեռում, որը ներկայացվում է խորեոգրաֆիայով:
«Յոսինոյաման» քաբուքի թատրոնի հանրահայտ «Յոսիցունե և հազար բալենիներ» պիեսի մասերից է: Այս ստեղծագործությունը անդրադառնում է 1181-1185 թվականների պատմական անցքերին՝ Հեմփեյում տեղ գտած պատերազմական գործողություններին, Մինամոթո (Հենձի) և Թայրա (Հէյքզ) տոհմերի հակամարտությանը, Մինամոթո տոհմի երկու եղբայրների՝ Յորիթոմոի և Յոսիցունեի երկապառակությանը և խաղաղության հաստատմանը:
Լուսանկարն՝ ըստ հղման աղբյուրի
 28.11.jpg)
.jpg)
