Դերասանները և քաղաքացիական ակտիվիստները գրավել են թատրոնի շենքը09.25.2017
Անցած ուրբաթ օրը՝ սեպտեմբերի 22-ին, Գերմանիայում, Բեռլինի Ֆոլքսբյունե թատրոնի շենքը գրավել են քաղաքացիական ակտիվիստները: Նրանք բողոքի ձայն են բարձրացրել մայրաքաղաքի հին թաղամասերի նկարագիրը նոր կառուցվող էլիտար տներով փոխելու համար: Գերմանիայի մայրաքաղաքի կենտրոնի ջենտրիֆիկացիան ոչ միայն լրջորեն փոխում է քաղաքի պատմամշակութային միջավայրի ճարտարապետությունը և ընդհանուր նկարագիրը, այլև բնիկ բեռլինցիներին իրենց բնակության տարածքից դուրս մղելու լուրջ պատճառի է վերածվել:
Թատրոնը գրավող ակտիվիստները, որոնց թվում կան նաև դերասաններ, իրենց անհամաձայնությունն են արտահայտել նաև Ֆոլքսբյունե թատրոնում բելգիացի արվեստաբան Քրիս Դերքոնին նոր գեղարվեստական ղեկավար նշանակելու կապակցությամբ: Այդ մասին բեռլինյան թատրոնի ֆեյսբուքյան էջի տեղեկատվությունը փոխանցում է «taglur.am»-ը՝ հղում անելով «teatral-online.ru» -ին:
Առայժմ ոստիկանության, քաղաքային իշխանությունների, թատրոնի ղեկավարության բանակցությունները բողոքողների հետ արդյունք չեն տվել :
Թատրոնի տոմսարկղերը փակ են, թեև օն-լայն ռեժիմով տոմսերի վաճառքը շարունակվում է:
Մինչ այս քայլն անելը, ակտիվիստները, որոնք իրենց անվանում են «Փոշու մեջից դեպի փայլ» («Staub zu Glitter») , հայտարարել են, որ թատրոնի շենքում կմնան ամենաքիչը 3 ամիս, այնտեղ կանցկացնեն պերֆորմենսեր, քննարկումներ, կկազմակերպեն «խորհրդարան անտունների համար» (թերևս նկատի ունեն ջենտրիֆիկացիայի զոհերին): Նրանք նաև նշել են, որ թատրոնի շենքը, որ պատմամշակութային արժեք է , իրենք չեն վնասի: Նրանք որևէ անձնական խնդիր չեն տեսնում նաև նոր գեղարվեստական ղեկավարի անձի մեջ, բայց զգուշանում են, որ նրա գալով թատրոնը կվերածվի առևտրային հարթակի:
Ինքը Դերքոնը ակտիվիստներին անվանում է ֆանատիկոսներ, որոնցից շատերը չգիտեն թատրոնում իր պլանների մասին, բայց արդեն սկսել են պայքարել իր դեմ:
Նախկինում Դերքոնը ղեկավարել է Լոնդոնի Թեյթ Մոդերն ցուցասրահը: Նրա նշանակումը Բեռլինի Ֆոլքսբյունե թատրոնի գեղարվեստական ղեկավարի պաշտոնում միանշանակ չընդունվեց թատերական համայնքի կողմից: Օրինակ, «Berliner Ensemble» հայտնի թատրոնի ղեկավար Քլաուս Փեյմանը հայտարարել է, որ Բեռլինի քաղաքագլուխը ձգտում է ավանդական թատրոնը վերածել «գործողությունների համար հարթակի»:
Մամուլի տեղեկացմամբ այս թատրոնի բյուջեն €5 մլնից դառնալու է €22 մլն: Բացի այդ Բեռլինի կենտրոնական Միթթե շրջանում գտնվող թատրոնի տրամադրության տակ է անցել Թեմփելհոֆ նախկին օդանավակայանի մի մասը և այնտեղ արդեն անցկացվել են առաջին միջոցառումները:
Իսկ Թեյթ թանգարանների տնօրեն Նիկոլաս Սերոթան նշել է, որ Դերքոնը օգնել է, որ իրենց թանգարանն ավելի բաց լինի աշխարհի առաջ, ավելի միջազգային լինի ( Դա արվել է լուսանկարչական ցուցադրությունների, դերասանների ելույթների և կինոդիտումների միջոցով): Սերոթան իր համաձայնությունն է հայտնել պերֆորմատիվ արվեստի նկատմամբ և իրենց թանգարանում մոդեռնիստական արվեստի հավաքածոն ընդարձակելու գաղափարին, որը Թեյթ թանգարանին դուրս է բերել Արևմուտքի ավանդական շրջանակներից:
Քրիս Դերքոնը մինչև Գերմանիյում աշխատելը ուսումնասիրել է արվեստի, թատրոնի և կինոյի պատմություն, աշխատել է լրագրող, ապա ղեկավարել է Լոնդոնի Թեյթ թանգարանը և Մյունխենի արվեստների տունը, ղեկավարել է նաև Ռոթերդամի «Witte de With » ժամանակակից արվեստ կենտրոնը և այլն:
Անցած ուրբաթ օրը՝ սեպտեմբերի 22-ին, Գերմանիայում, Բեռլինի Ֆոլքսբյունե թատրոնի շենքը գրավել են քաղաքացիական ակտիվիստները: Նրանք բողոքի ձայն են բարձրացրել մայրաքաղաքի հին թաղամասերի նկարագիրը նոր կառուցվող էլիտար տներով փոխելու համար: Գերմանիայի մայրաքաղաքի կենտրոնի ջենտրիֆիկացիան ոչ միայն լրջորեն փոխում է քաղաքի պատմամշակութային միջավայրի ճարտարապետությունը և ընդհանուր նկարագիրը, այլև բնիկ բեռլինցիներին իրենց բնակության տարածքից դուրս մղելու լուրջ պատճառի է վերածվել:
Թատրոնը գրավող ակտիվիստները, որոնց թվում կան նաև դերասաններ, իրենց անհամաձայնությունն են արտահայտել նաև Ֆոլքսբյունե թատրոնում բելգիացի արվեստաբան Քրիս Դերքոնին նոր գեղարվեստական ղեկավար նշանակելու կապակցությամբ: Այդ մասին բեռլինյան թատրոնի ֆեյսբուքյան էջի տեղեկատվությունը փոխանցում է «taglur.am»-ը՝ հղում անելով «teatral-online.ru» -ին:
Առայժմ ոստիկանության, քաղաքային իշխանությունների, թատրոնի ղեկավարության բանակցությունները բողոքողների հետ արդյունք չեն տվել :
Թատրոնի տոմսարկղերը փակ են, թեև օն-լայն ռեժիմով տոմսերի վաճառքը շարունակվում է:
Մինչ այս քայլն անելը, ակտիվիստները, որոնք իրենց անվանում են «Փոշու մեջից դեպի փայլ» («Staub zu Glitter») , հայտարարել են, որ թատրոնի շենքում կմնան ամենաքիչը 3 ամիս, այնտեղ կանցկացնեն պերֆորմենսեր, քննարկումներ, կկազմակերպեն «խորհրդարան անտունների համար» (թերևս նկատի ունեն ջենտրիֆիկացիայի զոհերին): Նրանք նաև նշել են, որ թատրոնի շենքը, որ պատմամշակութային արժեք է , իրենք չեն վնասի: Նրանք որևէ անձնական խնդիր չեն տեսնում նաև նոր գեղարվեստական ղեկավարի անձի մեջ, բայց զգուշանում են, որ նրա գալով թատրոնը կվերածվի առևտրային հարթակի:
Ինքը Դերքոնը ակտիվիստներին անվանում է ֆանատիկոսներ, որոնցից շատերը չգիտեն թատրոնում իր պլանների մասին, բայց արդեն սկսել են պայքարել իր դեմ:
Նախկինում Դերքոնը ղեկավարել է Լոնդոնի Թեյթ Մոդերն ցուցասրահը: Նրա նշանակումը Բեռլինի Ֆոլքսբյունե թատրոնի գեղարվեստական ղեկավարի պաշտոնում միանշանակ չընդունվեց թատերական համայնքի կողմից: Օրինակ, «Berliner Ensemble» հայտնի թատրոնի ղեկավար Քլաուս Փեյմանը հայտարարել է, որ Բեռլինի քաղաքագլուխը ձգտում է ավանդական թատրոնը վերածել «գործողությունների համար հարթակի»:
Մամուլի տեղեկացմամբ այս թատրոնի բյուջեն €5 մլնից դառնալու է €22 մլն: Բացի այդ Բեռլինի կենտրոնական Միթթե շրջանում գտնվող թատրոնի տրամադրության տակ է անցել Թեմփելհոֆ նախկին օդանավակայանի մի մասը և այնտեղ արդեն անցկացվել են առաջին միջոցառումները:
Իսկ Թեյթ թանգարանների տնօրեն Նիկոլաս Սերոթան նշել է, որ Դերքոնը օգնել է, որ իրենց թանգարանն ավելի բաց լինի աշխարհի առաջ, ավելի միջազգային լինի ( Դա արվել է լուսանկարչական ցուցադրությունների, դերասանների ելույթների և կինոդիտումների միջոցով): Սերոթան իր համաձայնությունն է հայտնել պերֆորմատիվ արվեստի նկատմամբ և իրենց թանգարանում մոդեռնիստական արվեստի հավաքածոն ընդարձակելու գաղափարին, որը Թեյթ թանգարանին դուրս է բերել Արևմուտքի ավանդական շրջանակներից:
Քրիս Դերքոնը մինչև Գերմանիյում աշխատելը ուսումնասիրել է արվեստի, թատրոնի և կինոյի պատմություն, աշխատել է լրագրող, ապա ղեկավարել է Լոնդոնի Թեյթ թանգարանը և Մյունխենի արվեստների տունը, ղեկավարել է նաև Ռոթերդամի «Witte de With » ժամանակակից արվեստ կենտրոնը և այլն:
