Հաղթողը կարող է դառնալ կինոարդյունաբերության ոլորտում մի նոր գլուխ սկսելու սկիզբ02.10.2020
Փետրվարի 9-ի լույս 10-ին, երբ Երևանում ուշ գիշեր էր, ԱՄՆ-ի Լոս-Անջելոս քաղաքի «Դոլբի» թատրոնում կայացավ համաշխարհային կինոյի մեծագույն իրադարձություններից մեկը՝ 92-րդ «Օսկար» մրցանակաբաշխությունը: Այս անգամ կինոակադեմիայի պատվավոր մրցանակին արժանացած հաղթարշավորդի պատիվը շնորհվեց և գլխավոր՝ «Լավագույն ֆիլմ» մրցանակին արժանացավ հարավկորեական «Մակաբույծներ» կինոնկարը:
Ռեժիսոր Փոն Չժուն Հոյի կինոնկարը, բացի լավագույնը ճանաչվելուց, ստացավ նաև 3 այլ օսկարներ՝ «Լավագույն արտասահմանյան ֆիլմ», «Լավագույն սցենար» և «Լավագույն ռեժիսորական աշխատանք» անվանակարգերում:
Ասենք, որ մասնագետների գնահատմամբ «Մակաբույծներ» ֆիլմն ու նրա հեղինակը նոր հայտնություններ են կինոաշխարհում և չի բացառվում, որ «Օսկար» մրցանակաբաշխության 92-րդ երեկոն դրա շնորհիվ կդառնա նաև կինոարդյունաբերության ոլորտում մի նոր գլուխ սկսելու ավետաբեր սկիզբը:
Մրցանակաբաշխության մյուս անվանակարգերում անակնկալներ տեղի չունեցան և մնացած «դերասանական» և «տեխնիկական» աշխատանքներում լավագույնները ճանաչվեցին սպասված մասնագետները: Ամերիկյան կինոակադեմիկոսները նույնիսկ չխախտեցին կարծրատիպի վերածված ավանդույթը անիմացիայի ժանրում մրցանակը շնորհելիս: Այս անգամ ևս այն հանձնվեց Pixar-Disney ստուդիայում նկարահանված ֆիլմի՝ «Խաղալիքների պատմություն-4» կինոնկարին, որն, անշուշտ, լավն էր, սակայն, հեռու չէր «սովորական տիպային ֆիլմ» որակումից:
Ավելացնենք, որ «Օսկար-92»-ի հանդիսավոր մրցանակաբաշխության արարողությունը, ինչպես և 2019թ-ին, տեղի ունեցավ առանց հաղորդավարի:
Փետրվարի 9-ի լույս 10-ին, երբ Երևանում ուշ գիշեր էր, ԱՄՆ-ի Լոս-Անջելոս քաղաքի «Դոլբի» թատրոնում կայացավ համաշխարհային կինոյի մեծագույն իրադարձություններից մեկը՝ 92-րդ «Օսկար» մրցանակաբաշխությունը: Այս անգամ կինոակադեմիայի պատվավոր մրցանակին արժանացած հաղթարշավորդի պատիվը շնորհվեց և գլխավոր՝ «Լավագույն ֆիլմ» մրցանակին արժանացավ հարավկորեական «Մակաբույծներ» կինոնկարը:
Ռեժիսոր Փոն Չժուն Հոյի կինոնկարը, բացի լավագույնը ճանաչվելուց, ստացավ նաև 3 այլ օսկարներ՝ «Լավագույն արտասահմանյան ֆիլմ», «Լավագույն սցենար» և «Լավագույն ռեժիսորական աշխատանք» անվանակարգերում:
Ասենք, որ մասնագետների գնահատմամբ «Մակաբույծներ» ֆիլմն ու նրա հեղինակը նոր հայտնություններ են կինոաշխարհում և չի բացառվում, որ «Օսկար» մրցանակաբաշխության 92-րդ երեկոն դրա շնորհիվ կդառնա նաև կինոարդյունաբերության ոլորտում մի նոր գլուխ սկսելու ավետաբեր սկիզբը:
Մրցանակաբաշխության մյուս անվանակարգերում անակնկալներ տեղի չունեցան և մնացած «դերասանական» և «տեխնիկական» աշխատանքներում լավագույնները ճանաչվեցին սպասված մասնագետները: Ամերիկյան կինոակադեմիկոսները նույնիսկ չխախտեցին կարծրատիպի վերածված ավանդույթը անիմացիայի ժանրում մրցանակը շնորհելիս: Այս անգամ ևս այն հանձնվեց Pixar-Disney ստուդիայում նկարահանված ֆիլմի՝ «Խաղալիքների պատմություն-4» կինոնկարին, որն, անշուշտ, լավն էր, սակայն, հեռու չէր «սովորական տիպային ֆիլմ» որակումից:
Ավելացնենք, որ «Օսկար-92»-ի հանդիսավոր մրցանակաբաշխության արարողությունը, ինչպես և 2019թ-ին, տեղի ունեցավ առանց հաղորդավարի:
