Քաղաքակրթական ներուժը կեցության բարձրագույն արժեք է:

Սոցցանցերում դերասանի մահվան քննարկումները առաջացրել են նոր վարկած

04.18.2023


Վերջերս կյանքից վաղաժամ հեռացած ռուսաստանցի հայտնի դերասան Վադիմ Վոլկովի մահվան պատճառը, ըստ նոր քննչական վարկածի, կարող էր լինել էլեկտրասկուտերի վրաերթը, որը վարելիս է եղել մի երիտասարդ։ Այդ մասին տեղեկացնում են որոշ ռուսաստանյան լրատվամիջոցներ։ Այժմ իրավապահները համապատասխան գործողություններ են իրականացնում պետերբուրգցիների շրջանում սիրված և ճանաչված արտիստի մահվան նոր հավանական վարկածի ուղղությամբ։ Այդ մասին տեղեկացնում է «taglur.am»֊ը՝ հղում անելով «lenta.ru»֊ին։

Այս վարկածի ուղղությամբ քննություններ սկսելու հիմք են ծառայել սոցիալական ցանցերում տարածված տեղեկությունները, որոնց համաձայն արտիստը վրաերթի է ենթարկվել էլեկտրասկուտերի կողմից։ Նույնիսկ կան ականատեսեր, որոնք վկայում են, որ սկուտերը վարելիս է եղել հարբած 18֊ամյա մի երիտասարդ։

Այս նոր վարկածին հակառակ, ռուսաստանյան որոշ լրատվամիջոցներ էլ տեղեկացրել են, որ 59֊ամյա Վոլկովի մահը վրա է հասել բնական պատճառով։ Դա հաստատել է նաև նրա դուստրը՝ Ագլայան, որի հայտարարության համաձայն Վադիմ Վոլկովը մահացել է սրտի հետ կապված հիմնախնդիրների պատճառով։

Պետերբուրգի Ֆանտանկայի վրայի երիտասարդական թատրոնի արտիստի մահը թատերասերները համարում են մեծ կորուստ։ Նա զբաղված էր բազմաթիվ բեմադրություններում, նկարահանվել է հայտնի սերիալներում։


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 103 անգամ