Կմեկնարկի «Նուրեևյան սեզոններ» խորագրով միջազգային նոր նախագիծը03.17.2018
Այսօր՝ մարտի 17-ին, բալետի աշխարհը նշում է ծագումով ռուսաստանցի լեգենդար պարող Ռուդոլֆ Նուրեևի 80-ամյակը: Այդ առթիվ Մոսկվայում երեկոյան կտրվի «Նուրեևյան սեզոններ» խորագրով միջազգային նոր նախագիծը, որի առաջին միջցառումը կդառնա «Ապստամբ հրեշը» ֆիլմի ցուցադրությունը: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:
Կինոռեժիսոր Տատյանա Մալևայի այս ֆիլմը թողարկվել է 2012թ.-ին: Այն միջազգային մի շարք մրցույթների դափնեկիր է:
Ասենք, որ Նուրեևի մասին կենսագրական ֆիլմերի ցուցադրություն կկազմակերպվի նաև Տրետյակովյան պատկերասրահում: Այս նույն միջավայրում լեգենդար պարողի մասին կպատմի նաև բացվող ցուցահանդեսը:
Ընդհանրապես Նուրեևին նվիրված հոբելյանական միջոցառումներից գլխավոր իրադարձությունը կկայանա Կրեմլի համերգային դահլիճում, որտեղ տեղի կունենա «Ռուդոլֆ Նուրեև: Անցյալից դեպի ապագա» գալա համերգը՝ ռուսական և համաշխարհային բալետի աստղերի մասնակցությամբ:
Նուրեևին նվիրված հոբելյանական հանդիսությունների պարագծում պետք է դիտարկել նաև «Գոգոլ կենտրոն» թատրոնի գեղարվեստական ղեկավար Կիրիլ Սերեբրեննիկովի բեմադրած «Նուրեև» բալետը, որի հերթական ցուցադրությունները կկայանան Մեծ թատրոնում՝ հունիսի վերջին:
Տարվա ընթացքում Ռուդոլֆ Նուրեևի 80-ամյակին նվիրված միջոցառումներ կկայանան նաև Սանկտ-Պետերբուրգում, Փարիզում, Նյու-Յորքում և այլ քաղաքներում:
Ռուդոլֆ Նուրեևը ծնվել է Խորհրդային Ռուսաստանում: 1961թ.-ին Փարիզում հյուրախաղերի մեկնելուց հետո, ֆրանսիական իշխանություններից խնդրել է քաղաքական ապաստան: Նա համարվում է 20-րդ դարի համաշխարհային բալետի նշանավոր պարողներից մեկը, եղել է Սանկտ-Պետերբուրգի Մարինյան թատրոնի, Բրիտանիայի Արքայական բալետի, Վիենայի և Փարիզի օպերաների մենապարող: Նուրեևը ղեկավարել է նաև Փարիզի օպերայի բալետային խումբը, հաջողությամբ հանդես է եկել նաև որպես դիրիժոր: Մահացել է 54 տարեկան հասակում:
Այսօր՝ մարտի 17-ին, բալետի աշխարհը նշում է ծագումով ռուսաստանցի լեգենդար պարող Ռուդոլֆ Նուրեևի 80-ամյակը: Այդ առթիվ Մոսկվայում երեկոյան կտրվի «Նուրեևյան սեզոններ» խորագրով միջազգային նոր նախագիծը, որի առաջին միջցառումը կդառնա «Ապստամբ հրեշը» ֆիլմի ցուցադրությունը: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:
Կինոռեժիսոր Տատյանա Մալևայի այս ֆիլմը թողարկվել է 2012թ.-ին: Այն միջազգային մի շարք մրցույթների դափնեկիր է:
Ասենք, որ Նուրեևի մասին կենսագրական ֆիլմերի ցուցադրություն կկազմակերպվի նաև Տրետյակովյան պատկերասրահում: Այս նույն միջավայրում լեգենդար պարողի մասին կպատմի նաև բացվող ցուցահանդեսը:
Ընդհանրապես Նուրեևին նվիրված հոբելյանական միջոցառումներից գլխավոր իրադարձությունը կկայանա Կրեմլի համերգային դահլիճում, որտեղ տեղի կունենա «Ռուդոլֆ Նուրեև: Անցյալից դեպի ապագա» գալա համերգը՝ ռուսական և համաշխարհային բալետի աստղերի մասնակցությամբ:
Նուրեևին նվիրված հոբելյանական հանդիսությունների պարագծում պետք է դիտարկել նաև «Գոգոլ կենտրոն» թատրոնի գեղարվեստական ղեկավար Կիրիլ Սերեբրեննիկովի բեմադրած «Նուրեև» բալետը, որի հերթական ցուցադրությունները կկայանան Մեծ թատրոնում՝ հունիսի վերջին:
Տարվա ընթացքում Ռուդոլֆ Նուրեևի 80-ամյակին նվիրված միջոցառումներ կկայանան նաև Սանկտ-Պետերբուրգում, Փարիզում, Նյու-Յորքում և այլ քաղաքներում:
Ռուդոլֆ Նուրեևը ծնվել է Խորհրդային Ռուսաստանում: 1961թ.-ին Փարիզում հյուրախաղերի մեկնելուց հետո, ֆրանսիական իշխանություններից խնդրել է քաղաքական ապաստան: Նա համարվում է 20-րդ դարի համաշխարհային բալետի նշանավոր պարողներից մեկը, եղել է Սանկտ-Պետերբուրգի Մարինյան թատրոնի, Բրիտանիայի Արքայական բալետի, Վիենայի և Փարիզի օպերաների մենապարող: Նուրեևը ղեկավարել է նաև Փարիզի օպերայի բալետային խումբը, հաջողությամբ հանդես է եկել նաև որպես դիրիժոր: Մահացել է 54 տարեկան հասակում: