Մանկության երկու ընկերներ՝ ռոմանտիկ գնդապետը և բռնակալ միապետը03.01.2023
Ի՞նչ կարող է պատահել բռնատիրական երկրում, եթե ռոմանտիկ հովերով տարված մարդը այդ կարգերը քննադատող նամակ գրի պետության ղեկավարին։ Իր նոր բեմադրության մեջ այդ թեմային է անդրադարձել Տալինում գործող ռուսական թատրոնում իր նոր բեմախաղը ավարտին հասցնող դերասանուհի և ռեժիսոր Յուլիա Աուգը։ Այդ մասին է տեղեկացնում «taglur.am»֊ը՝ հղում անելով «teatral-online.ru»֊ին։
Էստոնացի գրողներից ամենաշատը օտար լեզուներով թարգմանվող Յաանա Կրոսսի «Կայսերական խելակորույսը» վեպի հիման վրա ստեղծված բեմադրությունը անդրադառնում է իրականում գոյություն ունեցած գնդապետ Տիմոտեուս ֆոն Բոկի հետ կատարված մի ճակատագրական իրադարձության։
19֊րդ դարում ապրած այս զինվորականը, որը մասնակցել է իր ժամանակի բոլոր խոշոր ռազմական ընդհարումներին, բանակից զորացրվելուց հետո որոշում է նամակ գրել Ալեքսանդր 1֊ին ցարին, իր մանկության տարիների ընկերոջը, որը, փաստորեն, ռուսկան կայսրության միահեծան տերն է։ Ֆոն Բոկը կայսրին ուղարկած նամակում քննադատում է ինքնակալության բազմաթիվ կողմերը և առաջարկում կյանքը կարգավորելու իր նախագիծը։ Սակայն կատարվում է այն, ինչին ամենաքիչն էր սպասում գնդապետը։ Նրան ձերբակալում են և 10 տարի բանտարկության դատապարտում Շլիսելբուրգում, ապա՝ Պետրոպավլովյան ամրոցում։
Նա խելակորույս ռոմանտի՞կ է, որը կարծես մնացել է դոնկիխոտյան ժամանակների մեջ, թե՞ իր ապրելու տարիներից առաջ անցած մարդ։
Պիեսում գործում են միմյանց համարժեք երկու հերոս՝ Տիմոտեուսը և Ալեքսանդր 1֊ինը։
Բեմադրության գլխավոր ասելիքը կենտրոնացված է իշխանության թեմայի շուրջ։
Ինչպե՞ս է ազդում իշխանությունը մարդու վրա, ինչպե՞ս է այն փոփոխում նրա իդեալները, ինչպե՞ս է այն տառապանքի հասցնում և քայքայում։ Արդյոք հնարավո՞ր է հավատարիմ մնալ սեփական իդեալներին՝ չվերածվելով խելակորույսի և չկորցնելով սեփական ազատությունը․․․
Դերասանուհի և ռեժիսոր Յուլիա Աուգը Ռուսաստանից Էստոնիա է տարագրվել 2022թ․֊ին։ Նա մերձբալթյան այդ երկրի տարբեր թատրոններում արդեն հասցրել է մի քանի բեմադրություններ պատրաստել և ներկայացնել, իսկ հիմա էլ նախագծերի ղեկավար է Vaba Lava Narva թատերական կենտրոնում։
Լուսանկարն՝ ըստ հղման աղբյուրի։
Ի՞նչ կարող է պատահել բռնատիրական երկրում, եթե ռոմանտիկ հովերով տարված մարդը այդ կարգերը քննադատող նամակ գրի պետության ղեկավարին։ Իր նոր բեմադրության մեջ այդ թեմային է անդրադարձել Տալինում գործող ռուսական թատրոնում իր նոր բեմախաղը ավարտին հասցնող դերասանուհի և ռեժիսոր Յուլիա Աուգը։ Այդ մասին է տեղեկացնում «taglur.am»֊ը՝ հղում անելով «teatral-online.ru»֊ին։
Էստոնացի գրողներից ամենաշատը օտար լեզուներով թարգմանվող Յաանա Կրոսսի «Կայսերական խելակորույսը» վեպի հիման վրա ստեղծված բեմադրությունը անդրադառնում է իրականում գոյություն ունեցած գնդապետ Տիմոտեուս ֆոն Բոկի հետ կատարված մի ճակատագրական իրադարձության։
19֊րդ դարում ապրած այս զինվորականը, որը մասնակցել է իր ժամանակի բոլոր խոշոր ռազմական ընդհարումներին, բանակից զորացրվելուց հետո որոշում է նամակ գրել Ալեքսանդր 1֊ին ցարին, իր մանկության տարիների ընկերոջը, որը, փաստորեն, ռուսկան կայսրության միահեծան տերն է։ Ֆոն Բոկը կայսրին ուղարկած նամակում քննադատում է ինքնակալության բազմաթիվ կողմերը և առաջարկում կյանքը կարգավորելու իր նախագիծը։ Սակայն կատարվում է այն, ինչին ամենաքիչն էր սպասում գնդապետը։ Նրան ձերբակալում են և 10 տարի բանտարկության դատապարտում Շլիսելբուրգում, ապա՝ Պետրոպավլովյան ամրոցում։
Նա խելակորույս ռոմանտի՞կ է, որը կարծես մնացել է դոնկիխոտյան ժամանակների մեջ, թե՞ իր ապրելու տարիներից առաջ անցած մարդ։
Պիեսում գործում են միմյանց համարժեք երկու հերոս՝ Տիմոտեուսը և Ալեքսանդր 1֊ինը։
Բեմադրության գլխավոր ասելիքը կենտրոնացված է իշխանության թեմայի շուրջ։
Ինչպե՞ս է ազդում իշխանությունը մարդու վրա, ինչպե՞ս է այն փոփոխում նրա իդեալները, ինչպե՞ս է այն տառապանքի հասցնում և քայքայում։ Արդյոք հնարավո՞ր է հավատարիմ մնալ սեփական իդեալներին՝ չվերածվելով խելակորույսի և չկորցնելով սեփական ազատությունը․․․
Դերասանուհի և ռեժիսոր Յուլիա Աուգը Ռուսաստանից Էստոնիա է տարագրվել 2022թ․֊ին։ Նա մերձբալթյան այդ երկրի տարբեր թատրոններում արդեն հասցրել է մի քանի բեմադրություններ պատրաստել և ներկայացնել, իսկ հիմա էլ նախագծերի ղեկավար է Vaba Lava Narva թատերական կենտրոնում։
Լուսանկարն՝ ըստ հղման աղբյուրի։