Մոսկվան նշել է լեգենդար արտիստուհու 75 ամյակը10.29.2014
Նախօրեին, Ռուսաստանի Մեծ թատրոնը հանդիսավորությամբ նշեց իր լեգենդար արտիստուհիներից մեկի՝ ԽՍՀՄ ժողովրդական արտիստուհի Ելենա Օբրազցովայի 75 ամյակը: Այդ առթիվ երգչուհու հարազատ թատերական հարթակում կայացավ շքեղ «Օերային պարահանդես»: Այդ մասին հաղորդում է «taglur.am»-ը՝ հղում անելով ռուսական տարբեր լրատվամիջոցների:
«ԻՏԱՐ-ՏԱՍՍ»-ը նշում է, որ ընտանեկան նեղ շրջապատում իր ստույգ ծննդյան օրը հուլիսի 7-ին նշած երգչուհու հոբելյանի միջոցառումների շարքը հասարակական մակարդակով մեկնարկել է դեռևս օգոստոսի 24-ին՝ Սանկտ-Պետերբուրգում: Հյուսիսային մայրաքաղաքի Դմիտրի Շոստակովիչի անվան համերգասրահում «Ելենա Օբրազցովա: Սիրով նվիրում ենք Ձեզ» խորագրով կայացած գալա-համերգին հանդես եկան ինչպես ռուսաստանցի, այնպես էլ օտարերկրացի համաշխարհային մեծության բազմաթիվ արտիստներ:
Իսկ հոկտեմբերի 28-ի Մոսկվայի նշանավոր բեմահարթակում կայացած «Օպերային պարահանդեսը» մեկ տեղ էր հավաքել երաժշտական մշակույթի ու արվեստի այլ ոլորտների ավելի մեծաթիվ հանրաճանաչ դեմքերի:
«Միայն Ելենա Վասիլևնայի անունը կկարողնար մեկ երեկոյի շրջանակներում այսպես հավաքել համաշխարհային բեմարվեստի ամենանշանավոր աստղերին: Թեև հայտնի է, որ բոլոր այս արտիստների հյուրախաղային գրաֆիկը խիտ է ու լարված, սակայն նրանցից որևէ մեկը չի հրաժարվել այս պատմական համերգին մասնակցելու հրավերից»,- ասել է միջոցառման ռեժիսոր Դմիտրի Բերթմանը: Նա նաև նշել է, որ երեկոյի բեմադրական մասին ակտիվորեն մասնակցել է նաև ինքը՝ հոբելյարը:
Մեծ թատրոնի նվագախումբը հանդես է եկել ամերիկացի հայտնի դիրիժոր Յուջին Քոնի ղեկավարությամբ: Համերգին հանդես է եկել նաև ինքը՝ Ելենա Օբրազցովան: Նա հանդիսատեսին ներկայացել է Չայկովսկու «Պիկովայա դամա» օպերայի կոմսուհու կերպարով, որը համարվում է նրա ամենամեծ ստեղծագործական նվաճումներից մեկը:
Օբրազցովան Մեծ թատրոն է եկել 1963 թ.-ին, երբ դեռ սովորում էր Լենինգրադի կոնսերվատորիայում: Այդ ժամանակ նա կատարել է Մարիա Մնիշեկի դերը՝ Մուսորգսկու «Բորիս Գոդունով » օպերայում:
Նախօրեին, Ռուսաստանի Մեծ թատրոնը հանդիսավորությամբ նշեց իր լեգենդար արտիստուհիներից մեկի՝ ԽՍՀՄ ժողովրդական արտիստուհի Ելենա Օբրազցովայի 75 ամյակը: Այդ առթիվ երգչուհու հարազատ թատերական հարթակում կայացավ շքեղ «Օերային պարահանդես»: Այդ մասին հաղորդում է «taglur.am»-ը՝ հղում անելով ռուսական տարբեր լրատվամիջոցների:
«ԻՏԱՐ-ՏԱՍՍ»-ը նշում է, որ ընտանեկան նեղ շրջապատում իր ստույգ ծննդյան օրը հուլիսի 7-ին նշած երգչուհու հոբելյանի միջոցառումների շարքը հասարակական մակարդակով մեկնարկել է դեռևս օգոստոսի 24-ին՝ Սանկտ-Պետերբուրգում: Հյուսիսային մայրաքաղաքի Դմիտրի Շոստակովիչի անվան համերգասրահում «Ելենա Օբրազցովա: Սիրով նվիրում ենք Ձեզ» խորագրով կայացած գալա-համերգին հանդես եկան ինչպես ռուսաստանցի, այնպես էլ օտարերկրացի համաշխարհային մեծության բազմաթիվ արտիստներ:
Իսկ հոկտեմբերի 28-ի Մոսկվայի նշանավոր բեմահարթակում կայացած «Օպերային պարահանդեսը» մեկ տեղ էր հավաքել երաժշտական մշակույթի ու արվեստի այլ ոլորտների ավելի մեծաթիվ հանրաճանաչ դեմքերի:
«Միայն Ելենա Վասիլևնայի անունը կկարողնար մեկ երեկոյի շրջանակներում այսպես հավաքել համաշխարհային բեմարվեստի ամենանշանավոր աստղերին: Թեև հայտնի է, որ բոլոր այս արտիստների հյուրախաղային գրաֆիկը խիտ է ու լարված, սակայն նրանցից որևէ մեկը չի հրաժարվել այս պատմական համերգին մասնակցելու հրավերից»,- ասել է միջոցառման ռեժիսոր Դմիտրի Բերթմանը: Նա նաև նշել է, որ երեկոյի բեմադրական մասին ակտիվորեն մասնակցել է նաև ինքը՝ հոբելյարը:
Մեծ թատրոնի նվագախումբը հանդես է եկել ամերիկացի հայտնի դիրիժոր Յուջին Քոնի ղեկավարությամբ: Համերգին հանդես է եկել նաև ինքը՝ Ելենա Օբրազցովան: Նա հանդիսատեսին ներկայացել է Չայկովսկու «Պիկովայա դամա» օպերայի կոմսուհու կերպարով, որը համարվում է նրա ամենամեծ ստեղծագործական նվաճումներից մեկը:
Օբրազցովան Մեծ թատրոն է եկել 1963 թ.-ին, երբ դեռ սովորում էր Լենինգրադի կոնսերվատորիայում: Այդ ժամանակ նա կատարել է Մարիա Մնիշեկի դերը՝ Մուսորգսկու «Բորիս Գոդունով » օպերայում:
 28.11.jpg)
.jpg)
