Քաղաքակրթական ներուժը կեցության բարձրագույն արժեք է:

Նրա ներկայացումներում խաղում են մարիոնեթներ և ավտոմատ տիկնիկներ

11.08.2014

Այսօր՝ Նոյեմբերի 8-ին, Մոսկվայում ավարտվեց բրիտանական մշակույթին և գրականությանը նվիրված տիկնիկային թատրոնների միջազգային փառատոնը: Այս միջոցառման եզրափակիչ ակորդը մատուցվեց անգլիացի դերասան Ստեֆան Մոթթրամի ինքնատիպ տիկնիկային շոուով: Այդ մասին «РИА Новости»-ի տեղեկատվությունը փոխանցում է «taglur.am»-ը:

Ստեֆան Մոթթրամը նշանավոր անգլիացի ռեժիսոր է և դերասան: Նա իր ներկայացումների տիկնիկները պատրաստում է սեփական ձեռքերով և ինքն էլ նրանց հետ հանդես է գալիս: Նրա ներկայացումներում խաղում են մարիոնեթներ և ավտոմատ տիկնիկներ, իսկ գործողություններն ընթանում են ներկայացումների համար հատուկ գրված էլեկտրոնային երաժշտության ուղեկցությամբ:

Ռուսատանի մայրաքաղաքի տիկնիկային թատրոնում հոկտեմբերի 31-ին մեկնարկած փառատոնի նպատակն այն էր, որպեսզի ներկայացվի ժամանակակից տիկնիկային թատրոնի առանձնահատկությունները՝ ունիվերսալությունը, տիկնիկի և դրանով խաղացող դերասանի վարպետության սինթեզը, ժանրային հնարավորությունների ընդգրկուն ներկապնակը՝ դրամայից մինչև ողբերգություն: Փառատոնի խաղացանկը հիմնականում կազմված էր բրիտանացի գրողների ստեղծագործություններից:

Մոսկվայի տիկնիկային թատրոնների փառատոնը առաջին անգամ անցկացվել է 2012 թ.-ին:
    Դիտվել է 1028 անգամ