Քաղաքակրթական ներուժը կեցության բարձրագույն արժեք է:

Մոսկվայում հրաժեշտ են տալիս երգչուհի Ելենա Օբրազցովային

01.14.2015


Մոսկվայում սկսվել է օպերային երգչուհի Ելենա Օբրազցովային հրաժեշտի սգո արարողությունը:

Կյանքի 76-րդ տարում վախճանված երգչուհուն հրաժեշտ տալու են գալիս նրա արվեստի հարյուրավոր երկրպագուներ:

Երգչուհու դագաղը դրված է Ռուսաստանի Մեծ թատրոնի պատմական բեմի վրա, որը հարդարված է սգո հանդիսությանը համապատասխան: Եգչուհու նկարի և մեծաքանակ ծաղկեպսակների հետ միասին բեմի վրա, հանգուցյալի կողքին ցուցադրված են նաև նրա բազմաթիվ պարգևները: Դահլիճում հնչում են արտիստուհու կատարմամբ ձայնագրություններ:
Հրաժեշտի արարողությունը կշարունակվի մինչև Մոսկվայի ժամանակով 15:00-ն:

Երգչուհու հոգեհանգիստը կկայանա հինգշաբթի օրը Մոսկվայի Քրիստոս Փրկիչ եկեղեցում:

Ելենա Օբրազցովան կհուղարկավորվի Ռուսաստանի մայրաքաղաքի Նովոդևիչյան գերեզմանոցում:
    Դիտվել է 1152 անգամ