Վաճառում են սեփական ողջ ունեցվածքը, տունը և ճանապարհ ընկնում...12.01.2015
Նոյեմբերի 27-ին Գերմանիայի Կառլսռուհե քաղաքում Հայոց Մեծ եղեռնի 100 ամյակին նվիրված «Vergissmeinnicht» («Անմոռուկ») խորագրով փառատոնի շրջանակներում կայացավ Սամվել Մարտիրոսյանի «Սահմանագիծը՝ ոտքերի արանքում» տրագիկոմեդիայի բեմական ընթերցումը:
Ուրբաթ երեկոյան մշակութային յուրահատուկ կլաստերի համբավ ունեցող թատրոնի «Քլայնեզ հաուզ» դահլիճում հավաքված հանդիսատեսները դարձան հայրենի արմատներից կտրված և օտար ափերում երջանկություն փնտրող մարդկանց սպասող հավանական իրադարձությունների բեմականացված ներկայացման ականատեսներ...
Հայրենիքում բիլիարդ խաղացողի մեծ համբավ ձեռք բերած և այդ խաղի գնդերը վարպետորեն ցանցի մեջ նետելու համար Գունդ մականունը վաստակած տարեց ծաղկաբույծը և անհաջողակ նկարիչ նրա երիտասրդ ուղեկիցը վաճառում են սեփական ողջ ունեցվածքը, տունը և ճանապարհ ընկնում դեպի Առանց քամիների հովիտ: Նրանք լսել են, որ այդ հովիտում կլոր տարին բարենպաստ բնակլիմայական պայմաններ են և այնտեղ ծաղկաբույծ Գունդը կարող է կարմրի ու դեղինի բոլոր երանգներով վարդերի բիզնես հիմնել և իր գործընկերոջ հետ աներևակայելի հարստանալ:
Սակայն Առանց քամիների հովիտ տանող ճանապարհը շատ ավելի բարդ ու երկար է դուրս գալիս: Գունդը և նրա երիտասարդ ուղեկիցը՝ Աբելը հայտնվում են անգամ արևելյան երկրների պատերազմական գոտում և այնտեղ գտնում իրենց երրորդ ընկերոջը՝ Կապտասևաչ կատվին:
Տրագիկոմեդիայի այս երեք հերոսներն, ի վերջո, հայտնվում են Առանց քամիների հովիտում, որտեղ, սակայն, գործում են տեղի օրենքները և որոնցից ճանապարհորդները միանգամայն անտեղյակ են... Գունդի, Աբելի և պատերազմի վտանգավոր գոտուց փրկված կատվի համար Առանց քամիների հովիտում սկսվում է առավել զավեշտալի ու ողբերգական կյանքի նոր փուլ...
Գերմանիայի արդարադատության մայրաքաղաքը (ոչ պաշտոնապես այսպես է բնորոշվում 300 հազար բնակչություն ունեցող Կառլսռուհեն, որտեղ գտնվում է Գերմանիայի Գերագույն դատարանը) փառատոնի օրերին շնչում էր, ընդհանրապես, հայ և գերմանացի արվեստագետների կողմից մատուցված էներգիայով: Իսկ ուրբաթ երեկոյան գերմանացի արտիստների ներկայացմամբ հայ հեղինակի պիեսը ձևավորեց նաև հայրենի հողից արմատահան մարդկանց փրկության բանաձևը գտնելու խոր մտահոգություն:
Ավելացնենք, որ այս հրատապ ու ցավոտ հիմնախնդրի պարզաբանման շուրջ բեմ հրավիրված պիեսի հեղինակի հետ կայացավ քննարկում, որին մասնակցեցին ինչպես Բեռլինից, ,Մյունխենից և գերմանական այլ քաղաքներից ժամանած հանդիսատեսները՝ այնպես էլ Կառլսռուհեում և Ֆրանսիայի սահմանից ոչ շատ հեռու գտնվող բնակավայրերից ժամանած ֆրանսահայ և գերմանահայ համայնքների բազմաթիվ ներկայացուցիչները:
Նոյեմբերի 27-ին Գերմանիայի Կառլսռուհե քաղաքում Հայոց Մեծ եղեռնի 100 ամյակին նվիրված «Vergissmeinnicht» («Անմոռուկ») խորագրով փառատոնի շրջանակներում կայացավ Սամվել Մարտիրոսյանի «Սահմանագիծը՝ ոտքերի արանքում» տրագիկոմեդիայի բեմական ընթերցումը:
Ուրբաթ երեկոյան մշակութային յուրահատուկ կլաստերի համբավ ունեցող թատրոնի «Քլայնեզ հաուզ» դահլիճում հավաքված հանդիսատեսները դարձան հայրենի արմատներից կտրված և օտար ափերում երջանկություն փնտրող մարդկանց սպասող հավանական իրադարձությունների բեմականացված ներկայացման ականատեսներ...
Հայրենիքում բիլիարդ խաղացողի մեծ համբավ ձեռք բերած և այդ խաղի գնդերը վարպետորեն ցանցի մեջ նետելու համար Գունդ մականունը վաստակած տարեց ծաղկաբույծը և անհաջողակ նկարիչ նրա երիտասրդ ուղեկիցը վաճառում են սեփական ողջ ունեցվածքը, տունը և ճանապարհ ընկնում դեպի Առանց քամիների հովիտ: Նրանք լսել են, որ այդ հովիտում կլոր տարին բարենպաստ բնակլիմայական պայմաններ են և այնտեղ ծաղկաբույծ Գունդը կարող է կարմրի ու դեղինի բոլոր երանգներով վարդերի բիզնես հիմնել և իր գործընկերոջ հետ աներևակայելի հարստանալ:
Սակայն Առանց քամիների հովիտ տանող ճանապարհը շատ ավելի բարդ ու երկար է դուրս գալիս: Գունդը և նրա երիտասարդ ուղեկիցը՝ Աբելը հայտնվում են անգամ արևելյան երկրների պատերազմական գոտում և այնտեղ գտնում իրենց երրորդ ընկերոջը՝ Կապտասևաչ կատվին:
Տրագիկոմեդիայի այս երեք հերոսներն, ի վերջո, հայտնվում են Առանց քամիների հովիտում, որտեղ, սակայն, գործում են տեղի օրենքները և որոնցից ճանապարհորդները միանգամայն անտեղյակ են... Գունդի, Աբելի և պատերազմի վտանգավոր գոտուց փրկված կատվի համար Առանց քամիների հովիտում սկսվում է առավել զավեշտալի ու ողբերգական կյանքի նոր փուլ...
Գերմանիայի արդարադատության մայրաքաղաքը (ոչ պաշտոնապես այսպես է բնորոշվում 300 հազար բնակչություն ունեցող Կառլսռուհեն, որտեղ գտնվում է Գերմանիայի Գերագույն դատարանը) փառատոնի օրերին շնչում էր, ընդհանրապես, հայ և գերմանացի արվեստագետների կողմից մատուցված էներգիայով: Իսկ ուրբաթ երեկոյան գերմանացի արտիստների ներկայացմամբ հայ հեղինակի պիեսը ձևավորեց նաև հայրենի հողից արմատահան մարդկանց փրկության բանաձևը գտնելու խոր մտահոգություն:
Ավելացնենք, որ այս հրատապ ու ցավոտ հիմնախնդրի պարզաբանման շուրջ բեմ հրավիրված պիեսի հեղինակի հետ կայացավ քննարկում, որին մասնակցեցին ինչպես Բեռլինից, ,Մյունխենից և գերմանական այլ քաղաքներից ժամանած հանդիսատեսները՝ այնպես էլ Կառլսռուհեում և Ֆրանսիայի սահմանից ոչ շատ հեռու գտնվող բնակավայրերից ժամանած ֆրանսահայ և գերմանահայ համայնքների բազմաթիվ ներկայացուցիչները:
 28.11.jpg)
.jpg)
