Մշակույթի դեպարտամենտի պատասխանատուները վախենում են07.11.2016
Ռուսաստանի Օմսկ քաղաքի մշակույթի դեպարտամենտը մինչև աշուն հետաձգել է տեղի Լիցեյան թատրոնում լեհ ռեժիսոր Պետեր Շալշիի բեմադրած «Շուրջպար» ներկայացման պրեմիերան: Ինչպես խոսում են այս մշակութային հաստատությունում, պատճառն այն է, որ նոր ներկայացման վերաբերյալ գրավոր դժգոհություն է հայտնել տարածաշրջանի եկեղեցու առաջնորդարանը: Այդ մասին տեղեկացնում է «taglur.am»-ը՝ հղում անելով «omskzdes.ru»-ին:
Շուրջպար ներկայացման հիմքում ընկած է 19-րդ դարի ավստրիացի դրամատուրգ Արթուր Շնիցլերի պիեսը: Ժամանակին այս ստեղծագործությունը համարվել է անբարոյական և այդ պատճառով արգելված է եղել դրա հիման վրա բեմադրություն պատրաստելը: Սակայն ժամանակի ընթացքում Շնիցլերի պիեսի նկատմամբ մոտեցումները փոխվել են և 2-րդ համաշխարհային պատերազմից հետո այն սկսեցին խաղալ Եվրոպայի լավագույն բեմահարթակներում: Օմսկում այն բեմադրվել է առաջին անգամ և նվիրվել է Սիբիրի այս խոշոր բնակավայրի հիմնադրման 300 ամյակին:
Պետեր Շալշին ասել է, որ «Շուրջպարը» ավստրիացի հեղինակի հանրաճանաչ պիեսներից է: Նույնիսկ անհնար է հաշվել, թե այն որքան թատրոն և քանի անգամ է բեմադրել: Նրա ասելով ավստրիացի հեղինակի պիեսի հիման վրա նույնիսկ 5-6 ֆիլմ է նկարահանվել: Իսրայելում, Լեհաստանում, Ավստրիայում ու Գերմանիայում տարբեր պիեսներ բեմադրած Պետեր Շալշին նաև նշել է, որիր նվերը, ցավոք սրտի, Օմսկի իշխանությունների սրտով չի եղել:
Մշակույթի դեպարտամենտի պատասխանատուները վախենում են, որ «Շուրջպար» ներկայացմանը սպառնում է նույն ճակատագիրը, ինչին 2015 թ.-ին Նովոսիբիրսկ քաղաքի օպերային թատրոնում արժանացավ գերմանացի դասական Ռիխարդ Վագների «Թանհեյզեր» օպերան: Այնտեղ նշել են, որ. «Մեր համար ավելի հեշտ է փակել (ներկայացումը-խմբ.), քան վաղը ամբողջ երկրով մեկ խայտառակվել»:
Ասենք, որ «Շուրջպար»-ը ի տարբերություն «Թանհեյզեր»-ի կրոնական թեմա չի շոշափում: Սակայն ինչպես Նովոսիբիրսկում բեմադրված օպերայի դեպքում, այս ներկայացման ճակատագիրը հարցականի տակ դնելու գործում նույնպես վճռորոշ դեր են ստանձնել հենց տարածաշրջանի հոգևորականները:
Ռուսաստանի Օմսկ քաղաքի մշակույթի դեպարտամենտը մինչև աշուն հետաձգել է տեղի Լիցեյան թատրոնում լեհ ռեժիսոր Պետեր Շալշիի բեմադրած «Շուրջպար» ներկայացման պրեմիերան: Ինչպես խոսում են այս մշակութային հաստատությունում, պատճառն այն է, որ նոր ներկայացման վերաբերյալ գրավոր դժգոհություն է հայտնել տարածաշրջանի եկեղեցու առաջնորդարանը: Այդ մասին տեղեկացնում է «taglur.am»-ը՝ հղում անելով «omskzdes.ru»-ին:
Շուրջպար ներկայացման հիմքում ընկած է 19-րդ դարի ավստրիացի դրամատուրգ Արթուր Շնիցլերի պիեսը: Ժամանակին այս ստեղծագործությունը համարվել է անբարոյական և այդ պատճառով արգելված է եղել դրա հիման վրա բեմադրություն պատրաստելը: Սակայն ժամանակի ընթացքում Շնիցլերի պիեսի նկատմամբ մոտեցումները փոխվել են և 2-րդ համաշխարհային պատերազմից հետո այն սկսեցին խաղալ Եվրոպայի լավագույն բեմահարթակներում: Օմսկում այն բեմադրվել է առաջին անգամ և նվիրվել է Սիբիրի այս խոշոր բնակավայրի հիմնադրման 300 ամյակին:
Պետեր Շալշին ասել է, որ «Շուրջպարը» ավստրիացի հեղինակի հանրաճանաչ պիեսներից է: Նույնիսկ անհնար է հաշվել, թե այն որքան թատրոն և քանի անգամ է բեմադրել: Նրա ասելով ավստրիացի հեղինակի պիեսի հիման վրա նույնիսկ 5-6 ֆիլմ է նկարահանվել: Իսրայելում, Լեհաստանում, Ավստրիայում ու Գերմանիայում տարբեր պիեսներ բեմադրած Պետեր Շալշին նաև նշել է, որիր նվերը, ցավոք սրտի, Օմսկի իշխանությունների սրտով չի եղել:
Մշակույթի դեպարտամենտի պատասխանատուները վախենում են, որ «Շուրջպար» ներկայացմանը սպառնում է նույն ճակատագիրը, ինչին 2015 թ.-ին Նովոսիբիրսկ քաղաքի օպերային թատրոնում արժանացավ գերմանացի դասական Ռիխարդ Վագների «Թանհեյզեր» օպերան: Այնտեղ նշել են, որ. «Մեր համար ավելի հեշտ է փակել (ներկայացումը-խմբ.), քան վաղը ամբողջ երկրով մեկ խայտառակվել»:
Ասենք, որ «Շուրջպար»-ը ի տարբերություն «Թանհեյզեր»-ի կրոնական թեմա չի շոշափում: Սակայն ինչպես Նովոսիբիրսկում բեմադրված օպերայի դեպքում, այս ներկայացման ճակատագիրը հարցականի տակ դնելու գործում նույնպես վճռորոշ դեր են ստանձնել հենց տարածաշրջանի հոգևորականները:
